MU o suway-suway lang?

Dear Papa Joe,

Ako si Adolfo ug naahat ko og pada ani kay gusto maliwanagan akong huna-huna. Akong problima bahin sa uyab nako. Edad nako 24 ug akoang GF 25.

Unsa gyud diay gusto ani nga girl ngadto sa lalake? I mean unsay sagad nila nga standard ba.? Kay kining akoang GF gibuwagan man ko hinuon kay wa diay kuno siya ganahi sa akoang pag- treat kaniya. Unsa diay ang ilang gipangita nga pag- treat nila aron sila makagusto? Pay pung pa niya, lahi diri sa Cebu kay uyab sa ilaha friend ra man, sa diri sa Cebu livein man.

Nagsige ko og pangayo niya og sorry kay naa man koy sala sab. Naa pud koy gihangyo niya pero wa man hinuon niya ihatag. Nangayo na kog sorry ug second chance. Pero di na siya nako. Unsaon nako nga mapasaylo ko sa akong konsensya kay niari akoang GF sa Cebu aron mangita og work. Daku siya og nagasto apan ang resulta niuli na lang pud siya sa ilaha kay saaran ra nga tawagan sa company. Nahurot na ang iyang kwarta pag-ari pag Semana Santa, niuli siya sa ilahang province.

Nagplano ko nga taplan nako ang iyahang nagasto sa pag-ari sa Cebu kay ang akong huna-huna naa ra niya. Usa pud ko sa mablame niya seguro? Pong niya nako nga napasaylo na ko niya kay ang iyang tan aw nako igsuon ra kuno. Six months mi ani niya. Matawag nga wa mi closure ani kay after na end mi sa company pagkauyab pa namo, niuli siya sa ilang province. Ako diri ra ko sa Cebu nangita og trabho. Pagbakasyon niya diri sa Cebu bag uhay lang, nagkabuwag hinuon mi sa hingpit. ADOLFO Adolfo,

Maorag nasayod na ko unsay gihangyo nimo niya. Klaro kaayo nga nasagmuyo siya nimo. Simple ra ang akong tambag nimo, kon dili na siya, ayaw pugsa. Kon nahigugma ka niya, adtua siya sa ilaha, pamisita para makita niya ang imong ka sensiro ug basin pa magkabalik mo.Ana lang ug daghang salamat. PAPA JOE

(sa inyong tampo ipadala lang sa papajoesuperb@ gmail.com)