You’re my one and only

Mora kog nakuryente sa gibuhat ni Monsour nako. Samtang gihagkan ko niya sa akong lips, ang usa niya ka kamot bisag diin na lang napunta sa akong lawas. Sa akong dughan, sa akong mga paa, sa akong puson, ug sa taliwala sa ibabaw nga bahin sa akong duha ka mga paa.

Nasiga ang akong mga mata. Kalit kong gikuha ang lihokang kamot sa akong boyfriend ug natukmod ko siya.

“Please, Mon, don’t do that to me.” Hapit di mogawas ang akong tingog kay hangtod niadtong tungora morag nabatyagan ko pa ang kainit sa palad ni Monsour nga mihapuhap sa mga delikadong bahin sa akong lawas. Hilom kong nakapangagho.

“Love man kaha ko nimo, Lorna?”

Hinay sab ang tingog ni Monsour. Iya kong gigakos. Gipasagdan ko lang siya.

“Di na kana angay mo pang ipangutana nako, Mon. With all my heart, I love you so much.” “So, angay kang mosalig nako all the way sa akong buhaton nimo.” “Misalig ko nimo, Monsour. But ang naa ron sa imong

hunahuna di pa angay natong patumanan. Mohuman sa ta sa atong studies. You know me

very much. Nakahibawo ka nga ako na lay bugtong paglaom sa akong parents nga mahaw-as ko sila sa kalisod.”

Wa koy gitago kang Monsour bahin sa akong kinabuhi, kon unsa ko ug kon unsa sab sila si Mama ug Papa. Gitug-anan ko si Monsour sa tanan bahin sa akong sitwasyon uban sa akong mga ginikanan dihang nangulitawo siya nako. Gusto ko nga higugmaon niya ako kon unsa ko karon. Bisan sa among kalisod ni Mama ug Papa, nga layo ra kaayo kog kahimtang sa kinabuhi komparar kang Monsour, mipadayon gihapon siya sa pagpangulitawo nako.

Ug kay love ko man sab siya kaayo, ug naseguro ko sab nga gimahal ko niya sa tinud-anay, Gisugot ko siya. Misamot ang akong pagtuo nga gihigugma gyud ko niya kay wa man ko niya ikauwaw sa iyang mga

friends. Gipaila ko ni Monsour ngadto sa iyang mga amigo nga iya kong girlfriend.

Apan si Cherry, nga maoy labi kong suod nga amiga sa eskol, way pagsalig kang Monsour. Dako ang iyang pagtuo nga pahilakon lang ko ni Monsour.