TAMBAGI KO, NOY KULAS Na-develop
Dear Noy Kulas,
Tawga lang ko og Alyan, 16 years old. Naproblema ko sa akong mga amigo nga pulos nanguyab nako.
Si Roy close nako sukad sa first year high school pa mi. Mag adtoa na siya sa amoa ug ako sa ilaha. Pirme mi magkuyog kon manglaag kauban sa among mga barkada. Maora na mi og magsuon.Pulos mi way uyab ug nagtuo na ang among mga barkada nga uyab na ming duha bisan sa pagkatinuod inigsuon ra ang amoa.
Inigsuon ang akoa pero ang iyaha dunay pakapin. Nahibaw an nako kay nanguyab na siya nako human ang lain nakong classmate nanguyab nako. Nasuko siya og maayo nga ni entertain ko og suitor kay nagtuo siya nga kami na nga MU. Na shock ko kay ang akoa way malisya.
Sukad ato wa na ko managad niya. Ang nanguyab nako ako sang gibasted kay aron di magubot kay isog ni si Roy. Sakto ba ko sa akong desisyon nga nipalayo una kong Roy ug gibasted ang lain nakong classmate? Daghan kaayong salamat.
ALYAN
Alyan,
Sakto ang imong desisyon nga himuon nga patas ang duha aron way masuko nila. Expected nga mahitabo nang inyo ni Roy kay nagdahom na siya nga duna moy mutual understanding ( MU) tungod sa ka suod ninyo. Iyang na misinterpret ang imong aksyon nga gipakita ngadto niya. Di usab kalikayan nga dunay pagbati nga moturok labina kay di mo managparyente ug opposite sexes mo. Nagdahom siya nga duna kay pagbati niya nga more than friends.
Sa inyong edad di malikayan nga mahitabo ang panagbingkil tungod kay wa magpareho ang feeling. Naay usa nahigugma na og maayo samtang ang usa lain og feeling. Wa magkaaabot o magtakdo ang ilang mga pagbati. Nisangko na hinuon sa panag-away ang suod nga panaghigalaay.
Angay kang mosabot kang Roy tungod kay di malikayan nga maingon niana ang iyang feeling alang nimo. Naatol lang ang iyang feeling di sama og level nimo, mas taas. Instead nga di mo siya tagdon, pag-estorya mong duha aron makasabot siya. Bata pa ra ba mo. Mahimong ang imong feeling karon ordinaryo lang apan kon mahingkod mo, mausab ni. Ayaw lang sirhi ang tanan. Ingna siya nga magpabilin mong managhigala ug di angay nga magsiloay.
NOY KULAS