BIANCA NAGYAWYAW SA TAAS NGA BUHIS
Gipaagi ni Bianca Gonzalez sa Twitter ang iyang ya-ngongo sa kataas sa buhis sa Pilipinas, matod sa report sa pep.ph.
Matod sa Kapamilya TV host nga bug-at sa iyang buot nga mobayad og buhis labi na nga wala mabati sa kinabag-an kon asa na napunta ang kwarta.
“Mahirap talaga maging maluwag sa loob ang pagbayad ng buwis, para sa lahat, dahil hindi gaanong ramdam ang pinupuntahan ng buwis,” — Bianca Gonzalez (@iamsuperbianca).
Sa mga nasud nga sakup sa Association of Southeast Asian Nations (ASEAN), ikaduha ang Pilipinas nga may pinakadakong personal tax rate nga mokabat sa 32 percent.
Nag-una sa listahan ang Vietnam ug Thailand, nga dunay 35 percent personal tax. Dunay mga netizens ang nipasangil ni Bianca nga “dilaw” man gud kuno ang iyang political color nga maoy color sa Liberal Party, ang partido ni kanhi Presidente Benigno 'Noynoy' Aquino III.
Apan giklaro ni Bianca nga dili lang ang Administrasyong Duterte ang iyang gipasabot, kundi hasta ang mga nangaging presidente sa Pilipinas. /