Doktor, nars nadisgrasya

(Napatik sa Abril 28, 2017)

Mga dagkong samad ug bun-og sa kalawasan ang nahiaguman sa duha ka mga doktor, unom ka mga nars lakip na ang usa ka admin assistant, IT admin ug driver sa van samtang usa ka doctor ang namatay human madisgrasya ang ilang gisakyan nga van sa center island sa kalsada kay mi-over take alas 8:10 kagahapon sa buntag didto sa National Highway, Purok 6-A, Barangay Canocotan, Tagum City. Subay sa spot report gikan sa Police Regional Office (PRO) 11, nailhan ang namatay nga si Brigida Claro, 56, usa ka Medical Doctor nga taga Baguio City, kinsa namatay samtang gitabang sa mga doktor sa Medical Mission Hospital. Ang 10 sa mga naangol mao sila Eulina Lagdao, 50, Medical Doctor; Virginia B. Mangati, 49, Medical Doctor; Marilyn A. Lapaz, 45, Nurse; Michelle L. Suyat, 42, Nurse; Candida Donggayao, 53, Nurse; Carmen B. Bumatnong, 49, Nurse; Teresa C. Abrenica, 44, Nurse; Valorie B. Valorie, 40, Nurse; Clarence D. Clemente, 52, Admin Assistant; ug usa ka Marites M. Baloran, 49; IT Admin sa Baguio General Hospital, Baguio City. Angol sab ang driver sa van nga gisakyan sa mga biktima nga nailhang si Julan Baldove, 28, minyo, Security Guard sa Southern Philippines Medical Center (SPMC) ug residente sa New Society Village, Barangay Bunawan.