P800K shabu nasakmit

(Napatik sa Abril 29, 2017)

Hugot ang paghimakak sa usa ka babaye nga dinakpan nga gikan mismo kaniya ang nakuhang gituohang shabu nga mobalor og P800,000 atol sa drug buy bust operation sa Opol Municipal Police Station ug National Bureau of Investigation (NBI-10). Giila ang dinakpan nga mao si Naira Kairan Zosa, 30, dalaga, taga Iponam ning siyudad sa Cagayan de Oro. Napalitan ang dinakpan og pakite sa shabu nga mobalor og P1,000 diin dinhi deretso gikasa ang operasyon. Sa kinatibuk-an nasakmit gikan kaniya ang tulo ka sako sa gitouhang shabu ug laing pito ka pakite nga gibana-banang mobalor tanan og P800,000. Gibutyag ni P/ CInsp. Randy Anito, hepe sa Opol Police Station, nga halos usa ka buwan ang ilang pag-monitor sa suspek ug atol sa operasyon gihimo ang test buy. Gikonsiderar usab kini nilang high profile supplier gumikan kay ang mga gitumbok nga kostumer niini sagad mga taxi driver ug traysikol driver.