Naghikog ang lead singer sa bandang Soundgarden?
Padayong gisusi karon ang mesteryusong kamatayon sa American singer nga si Chris Cornell nga naila nga bokalista sa rock band nga Soundgarden ug Audioslave.
Gihulagway ang pagpanaw sa 52-anyos nga si Chris nga “sudden and unexpected.” Hangtod karon shock pa gihapon ang pamilya sa singer ug dili katuo sa maong hitabo. “His wife Vicky and family were shocked to learn of his sudden and unexpected passing," matod sa tigpamaba.
Si Chris nakit-an nga wala nay kinabuhi sulod sa iyang hotel room sa Detroit, diin nag-concert ang ilang banda. Usa sa gitan-aw nga anggulo ang suicide.
Usa sa biggest hits ni Chris ang “You Know My Name” nga theme song sa James Bond film nga Casino Royale.
Ang Soundgarden ang usa sa mga sikat nga banda niadtong '80s ug '90s. Ang ilang album nga "Badmotorfinger" nag-platinum niadtong 1991. Kaduha sad sila nidaug sa Grammy.