Badian, Dumanjug manikaysikay sa Gov's Cup
Mga duwa karon: (Toledo City –S3) 6:30 p.m. Dumanjug vs. Alegria 8 p.m. – Toledo vs. Badian (Consolacion-N1) 5 p.m. – Lilo-an vs. Pilar 6:30 p.m. – Compostela vs. Mandaue 8 p.m. - Consolacion vs Tudela
Nakasiguro na og luna alang sa quarterfinals, ang South Division Bracket 3 leader Toledo City mosuway pagharos sa elimination round aron pag-angkon sa division title sa 2017 Cebu Governor’s Cup 21 under Inter-Cities/Municipalities basketball touranment karong gabii.
Ikasangka sa Toledo ang second placer Badian sa main game nga sugdan sa alas 8 ang takna samtang nanglantaw usab ang Dumanjug nga makasulod sa sunod round pinaagi sa pagpakigbatok sa Alegria sa 6:30 nga opening game sa Barba Sports Complex sa Toledo City.