Palusot sa balaod
Adunay gi-ingon nga "there are always exemptions to the rule."
Buot ipasabot nga aduna gyuy exemption sa matag balaod.
Wala gyud ko makahuna-huna ug pinulungang Binisaya sa "exemption."
Sa pag-implementar aning Anti-Distracted Driving Act kon pagdili sa paggamit ug mga gadgets sama sa cellular
phone samtang magpaniho, adunay exemption niini.
Ang exemption kadtong manawag ang driver sa mga emergency lines sama sa hospital, pulis, bombero ug mga
emergency units sama sa Eruf. Kon pananglitan masakpan ka nga naggamit og cellphone samtang nagmaniho, morason lang ka nga nanawag ka sa mga emergency lines.
Apan gikinahanglan nga inyong ibutang sa inyong directory ang mga numbers sa mga
emergency agencies aron maoy inyong dali-dalion sa pagpindot kon masakpan mong naggamit sa cellphone.
Morason lang mo nga nanawag kag bombero kay nanawag imong asawa ug nagpahibalo nga nasunog inyong balay. Dili sab siguro mosusi ang
traffic enforcer kon tinuod bang nasunog inyong balay.
Ang exemption sa Children’s Motorcycle Safery Act nga nagdili sa pagpasakay ug mga bata sa motorsiklo mao nga ang
emergency condition sa bata. Dad-onon ang bata sa hospital ug nagkinahanglan ug dinaliang medical attention.
Aw, kon masakpan mo, hatagi lang og instruction ang bata nga magdrama-drama lang. Inig sita ninyo sa traffic enforcer ingna ang bata mga mosulirat ang mata aron ingnon nga nagsakit o gi-kombulsiyon ug kinahanglan ninyong dad-on sa hospital.
Di na pod siguro mosunod ang traffic enforcer sa hospital.
Kining balaod god, depende ra man sa masakpan. Ug dili ka masakpan, aw, lusot.
Daghan bitaw nga nakahimo ug krimen diha, nakalusot man. Wala makiha kay wala masakpi sa akto ug walay witness.
Pero manghinaot lang ta nga dili lang pod kini himoon nga instrumento sa mga badlungon diha nga mga tig-implementar sa balaod alang sa ilang panguwarta.