Kinsay mosikat sa bag-ong Mulawin?

Mga artistang Kapamilya nga sila si Paulo Avelino, Pokwang ug Joem Bascon molingaw sa mga Oslobanon ugma, Mayo 27, anha sa Oslob covered court.

Ang kalihukan may kalabutan sa Barangayan nga gipaluyohan sa Argentina Corned Beef.

Sa akong nahibaw-an, gawas sa kalingawan, may mga premyo pang ipanghatag ang Argentina. Asa na gani tong akong mga basiyong lata ba?

○○○ Naglungotlungot gyud unta ko nga makakita sa unang episode sa "Mulawin vs. Ravena" pero wa koy nahims kay nalangan ang akong pagbiyahe gikan sa syudad.

Pasado alas 9 na dihang niabot ko sa akong destinasyon. Gawas nga lapas na sa oras sa pagsalida sa bag-ong teleserye sa GMA 7, gikapoy na pod ko gawas nga gigutom pa.

Paborito nako niadto ang Mulawin nga gibidahan kanhi ni Richard Gutierrez. Daghang mga artista sa maong teleserye nga nisikat.

Kinsa na kaha usab ang mosunod sa lakang nila ni Richard ug makakab-ot sa

kalampusan sama sa mga naguna kanila? Nindot kini nga atangan.

○○○ Laing artista nga taudtaud na usab nga wa nako makita ang sulagma nga nakita nakong nilugwa sa telebisyon usa ka hapon karong semanaha.

Ang akong gipasabot mao si Troy Montero nga apil sa usa sa mga haponon nga teleserye sa Kapamilya network.

Morag dali kaayong ni- mature ang hitsura ni Troy. Gituyo ba kaha kini aron mohaum sa iyang papel o mao na gyud to?

○○○ Laing artista, langyaw hinoon kini, ang nakita nako karong semanaha nga medyo paspas usab ang pag- mature sa hitsura.

Nakatan-aw ko sa Unlocked diin usa sa mga bida mao si Orlando Bloom nga usa sa mga bida sa tulo ka pelikula kanhi nga "Lord of the Rings."

Sama ni Troy, matured na sab ang dagway ni Orlando. Ingon gyud tingali niini ang may dugong puti. Mao nga magpasalamat kita nga gipakatawong lagom kay dugay kuno matigulang. Unsaon? Haha!