Mga teleserye nga hapit na magsugod
Si Jennylyn Mercado ang bida sa umaabot nga Philippine romantc, comedy, drama series nga base sa usa ka hit Korean drama nga "My love from the star." Makapartner niya dinhi si Gil Cuerva, usa ka Filipino Spanish international model.
Usa ka Pinay superstar nga si Steffi ang papel ni Jennylyn dinhi, may pagka-gahig ulo ug nagtoo nga siya ang gidamgo sa halos tanang mga lalaki. Hangtud nga na-engkwentro ang lalaki nga si Mateo nga sobrang sipat usab ug aloof kaayo sa mga tawo. Niabot ang higayon nga nagka-inlabay sa usag-usa.
Si Christian Bautista ang usa sa mga naibog ni Steffi ug nangulitawo sa dalaga. Nagtoo kini nga moabot ang panahon nga makat-on ra sa paghigugma kaniya ang dalaga.
Makauban usab nila dinhi si Jackie Rice, ang childhood bestfriend; Rhian Ramos, ang karibal ni Steffi sa showbiz industry; Gabby Eigenmann ang usa sa mga main kontrabida.
Ang uban pang cast silang Spanky Manikan, Renz Fernandez, Glydel Mercado, Melissa Mendez, Nar Cabico, Migo Adecer, Moi Bien ug daghan pa.
Sa Kapuso network atangi lang gyud ninyo kining "My love from the stars" sa direksyon ni Bb. Joyce Bernal, ay'g saba!
Kasado na ang sunod nga serye sa Kapamilya network, ang "La luna sangre" nilang Daniel Padilla ug Kathryn Bernardo.
Sila ang mosunod sa tunob nilang Piolo Pascual, Angel Locsin ug John Lloyd Cruz sa seryeng "Lobo" ug "Imortal". Ang way kamatayong sugilanon sa gugma sa duha ka managlahing binuhat.
Mao ni mohulip sa naghinapos nga "Dear Heart". Mao ni ang ikatulong installment sa "Lobo" ug sequel sa "Imortal." Kon may partisipasyon ba silang Angel Locsin ug John Lloyd Cruz maoy dakong sorpresa. Sa atong nakita sa teaser bout magpinatyanay ang duha sa atong mga bida nga silang Daniel ug Kathryn. Malipayon nilang gibalita ug gipakita ang nagkadaiyang klase sa pakig-away nga ilang nakat-onan. Ang "La luna sangre" sa direksyon ni Cathy Garcia Molina, ay'g saba!