Sharing of love
Nahikatawa si Cathreen. Nahapak niyag kusog ang akong bukton. “Are you kidding, Kathy?” “No, Cat. I’m telling you the
truth. Imagine, kon ang pari nagwali nga mo- share ta sa atog grasya ngadto sa uban, way rason nga di sab ta moshare sa love ngadto sa uban?”
“Porbida nang prinsipyoha, uy, Kathy. Makasa’a man sab ta ana sa atong boyfriend.” Nakapanglingo si Cathreen. “Kon ang laki makamaong mo- share sa ilang love ngari natong mga girls pinaagi sa ilang pagkoleksyon og uyab,
so, makahimo sab ta ani, uy, Cat, ngadto sa mga boys.”
“Mao diay nga nag-ilis-ilis ka lag uyab, Kath?”
“Correction, Cat. Wa ko magilis-ilis og uyab. Wa ko sila buwagi samtang nakig- boyfriend kog lain.” “What?” Nahikatawa kog kusog sa reaksyon ni Cathreen. Misiga ang iyang mga mata sa akong gisulti.
“Yep! That’s true, Cat. Sa tinuod lang, I have five boyfriends now.” “Wow! Karma will come, Kathy. Giduwa-duwaan mo ang gugma sa imong mga boyfriend. Gipalaom mo sila sa wala.”
Ning higayuna, si Cathreen nagpanglingolingo sa gisulti. Miginhawa siyag sagunson. Wa gyud tingali siya magdahom nga ingon ko aning klasehang pagka babaye. Almost
three months pa lang ming nagkasuod apan daghan na siyag nahibaw-an bahin nako. Nagkaila mi niadtong last
month sa miaging semester. Nasundan ang among pagkahimamat dihang nagpa- enroll ko sa miaging semana para sa akong pag-eskuwela sa next
school year. Parehas man gud mig university nga gitunghaan ug parehas sab ming third
year sa tagsa-tagsa ka kurso nga among gikuha. Ug karon, nia mi sa usa ka
fast food sa uptown. Parehas man gud ming gilaayan sa balay. Nagkasabot mi nga manuroy unya manan-aw og sine. Hapon na niadtong tungora ug gikan na mi sa sinehan.
“Ikaw, Cathreen, wa ka pay giestorya nako about your
lovelife. Tell me sab, o.” Miginhawag lawom si Cathreen. Miinom siya sa iyang
juice, unya mitan-aw siyag dugay nako. Seryuso kaayo siya.
“Mitagam na ko anang gugma, uy, Kathy. You know, duna koy uyab kaniadto sa akong pag-eskuwela sa first year college. Love gyud nako siya sa tinud-anay. But one day, nakigbreak siya nako tungod sa usa ka girl.”
Nahibulong si Cathreen kay mikatawa kog kusog.