WARRIORS INILOG
Gikonsiderar nga inilog ang Golden State Warriors sa ilang pagpakigharong og balik sa defending champions Cleveland Cavaliers sa National Basketball Association (NBA) Finals nga sugdan sa sunod semana.
Kini maoy ikatulong sunodsunod nga tuig nga magsangka ang Cavaliers ug Warriors sa best-of-seven finals series.
Ang duha ka mga kampo parehong ningdominar sa playoffs.
Ang Warriors ningkulit og kasaysayan isip labing unang team nga ninghuman sa nagunang tulo ka rounds sa playoff nga wala’y pilde sulod sa 12 ka mga duwa.
Samtang ang Cavaliers kausa ra nakasinati og pilde batok sa Boston Celtics sa Eastern Conference finals.
Ang Westgate Las Vegas SuperBook mipatik sa Warriors nga minus-260 nga inilog samtang plus-220 ang Cavaliers.
Nagpasabot kini nga ang $100 nga pusta sa Warriors igo lang modaog og $38.46 samtang ang $100 nga pusta sa Cavaliers modaog og $220, matod sa ESPN. “I’m going to be honest,” matod ni Cavaliers superstar LeBron James. “I’m not in the right mind to even talk about Golden State. It’s too stressful, and I’m not stressed right now.”
Sa ilang duha ka mga engkuwentro sa regular season, natabla ang duha ka mga
kampo, 1-1.
Ang Cavaliers mingdaog og usa lang ka puntos niadtong adlawng Pasko samtang bangis nga mingbawos ang Warriors ug ilang gipanglubong og 35 puntos ang Cavaliers niadtong Enero 16.
“I’ve been very blessed the last few years to be a part of this league and play on the big
stage,” dugang ni James, kinsa nakasulod sa finals sulod sa pito ka sunodsunod nga mga tuig ug ikawalo sa kinatibuk-an.
“But we’re going to enjoy this for a couple more days before we have to lock in on that juggernaut out west.”
Ang Warriors maoy No.1 team sa regular season dala ang 67-15 nga rekord ug gikan sab kini sa 27-1 nga rekord sa mingagi nilang 28 ka mga duwa lakip na sa playoffs.
“Playing in this league, you can’t take anything for granted,” pasabot ni Warriors guard Stephen Curry.
“Thirty teams suit up every year trying to get to this point, and only two teams do. So you have to appreciate it.”
Usa sa mga giatangan ning maong panagparang mao si Warriors forward Kevin Durant, kinsa naghandom sa labing una niyang titulo ug karon pa sab nakasulod sa finals.
Si Durant mibiya sa Oklahoma City Thunder ug mipirma’g duha ka mga tuig nga kontrata sa Warriors nga nagbalor og $54.3 million sa tinguha nga maangkon niya ang labing una niyang titulo sa pagpakig-uban niya nila ni Curry, Draymond Green ug Klay Thompson. “It’s a little different, definitely. I can’t lie,” asoy ni Durant. “I went when I was 23 years old, and it felt like the Western Conference Finals was almost like the championship.”