Dalan nga di pirming again
Namahayag si Kalihim Mark Villar sa Department of Public Works and Highways (DPWH) nga sugdan sa sunog tuig ang paghimo sa P50 bilyunes nga Metro Cebu Expressway. Ang 74 ka kilometro nga expressway magdugtong sa siyudad sa Danao ug Naga ug mopakunhod sa gidugayon sa biyahe ngadto na lang sa kapin sa usa ka oras.
Ang maong expressway ikonektar sa mga syudad ug kalungsurang maagian pinaagi sa mga feeder ug connecting roads kay wa may mga interception ang maong highway.
Atol sa panagtigom sa Cebu Provincial Development Council (PDC) niadtong miaging Martes, si Cebu Vice Governor Agnes Magpale mihangyo sa DPWH 7 nga ilakip sa expressway ang di pirming agian (less travelled) nga dalan sa lungsod sa Compostela.
Matod pa Magpale, ang maong dalan moagi sa Barangay Mabini ug Paril sa siyudad sa Sugbo paingon sa Barangays Dapdap, Mulao, Basak, Cambayog sa Compostela hangtod sa Canamucan sa Compostela.
Gikan sa Compostela, sayon na lang kaayo sa motorista sa pag-adto sa Danao. Si Magpale nga nakagi na sa maong karsada niingon nga di na kinahanglan pang moagi sa Mandaue, Consolacion ug Liloan.
Akong nahinabi sa Direktor Ador Canlas sa DPWH 7 ug masaligon siya nga masugdan na sa sunod tuig ang Metro Cebu Expressway. Apan dako ang magasto sa gobyerno sa road right of way.
Busa angay nga tan-awon kining gisugyot ni Vice Governor Agnes Magpale kay di na man kini kinahanglan pa og road right of way kay existing na man ang maong karsada.
Ang buhaton na lang sa gobyerno mao tinglai nag pagpalapad niini kay ubos sa plano, ang Metro Cebu Expressway adunay bahin nga four lanes, dunay say six lanes.
Ang Kapitolyo, matod pa ni Magpale, mopa- improve ning alternative road. Mas nindot man kon dunay tay laing kaagian. Laktod ug mas duol. Pero maayo ang karsada padung sa Cabadiangan.