Miss Pajo 2017 winners

maoy paghulagway sa 18 anyos nga si Aileen Perez nga maoy niguwa nga mananaog sa Miss Pajo 2017, Lapu-Lapu City human iyang gilupig ang 16 nga kandidata sa iyang lantip nga tinubagan.

Ang labing mubo sa tanang kandidata sa height nga 5’1 maoy milangkat sa korona sa iyang tubag nga: “Beauty pageant is a celebration of beauty among men and women not only on its physical aspect as well as the character (of an individual). It is not bad in our society for beauty pageant promotes leader.”

Si Perez nga graduwado sa Bachelor of Science in Information Technology sa AMA maoy representante sa Disctrict 3 – Sangi New Road, barangay Pajo mao sab ang Miss Intelligence.

Ang ubang mananaog naglangkob nila ni: Angelica Marinduque – 2nd runner-up ug Best in Production Number; Harrah Cruto

– 1st runner-up, Ms. Photogenic, Best in Gown ug Darling of the Crowd; Cathrena Almacin maoy third ingon man Best in Swimwear ug fourth si Jozel Bunsit.

Mga kandidata nga nakakuha og special awards sila si Xyrene Kessell Gacuma –Ms. Congeniality, Ms. Smartiful si Althea Jane Razon ug nahimong Best in Talent si Kizia Buenviaje.

Samtang ang covered court sa barangay Pajo ingon sa dili na pa-igo sa dihang misugwak ang mga tawo nga mitan-aw sa ika3rd year nga beauty contest nga usa sa highlights sa kapistahan niadtong Sabado sa gabii.

Mapasigarbuhon si kapitan Junard Chan inabagan sa konseho sa barangay sa bongga nga kalihokan nga dili kabintahan sa ubang beauty pageant ilabi na sa ilang production ug stage set-up.

Gilaraw nga sunod tuig indigay alang sa kalalakin-an ang hayan ipahigayon.