Lahutay lang
Dear Papa Joe,
Tagua lang ko sa pangalan nga Elmer, lumad nga taga Cebu. Usa na ko ka minyo ug ang akong suliran kay kabahin sa akong asawa.
Dili kaayo ni siya showy sa iyang love nako ,like constant nga mamarayeg. Pero kon mamarayeg man maayo man sad, pero kung magselos ni siya grabe sad bisan wa sa lugar kay lagi nagtuo siya nga sakto siya sa iyang instinct. Dili ko tinggan, lapus lapus ang panan-aw nga mura wala ko sa iyang atubangan.
Ang usa pa gyud sa bati kay kanang magdamgo siya nga naa koy lain. Hasta inig mata sapotan ko ug sama sa gihapon dili ko tinggan. Pero ang akong pangutana niya permi kay ngano nga ing ana siya magselos pero sa actual di gani kaayo siya magpakabana nako, adto ra sa among mga anak. Mao ni ang akong suliran. Palihug tamgagi ko. ELMER Elmer,
Lisud sad gyud na imong problema no kay wala man sad ko masayud gyud sa kinaiya sa imong asawa.Pwede na sa pamasin, lang mao ni akong tan-aw, basin kon dili lang siya kamao mo express sa iyang feeling diha nimo, Maora bag hilasan o ilang siya nga mopadama kanimo og affection kay basin wala siya maanad og ing ana sa ilaha. O basically wala siya kita sa iyang mga ginikanan nga nagpakita og affection kaayo.
Siguro taas taas na man mo og naabot kay may mga anak na man mo , mao nay giingon nga anad anara na lang na imong self. Pero ayaw og kapuol sa pagpakita niya sa affection. Basin sa hinay hinay mausab ra siya sa kadugayan. Ang importante nga kabalo mo sa inyong gugma. Labaw sa tanan, ayaw kalimot pagpatunga sa Ginuo sa inyong relasyon. Kana lang ug salamat. PAPA JOE