BULING-BULING SA PALOMPON
Kon buwan sa Mayo ug anaa ka sa Palompon, Leyte, unya natungod pa gyud sa petsa 15, hala, andama imong puti nga outfit aron makasinati ka sa usa sa labing lingaw nga festival sa nasod, ang Buling-Buling Festival.
Mayo 15 matag tuig, bisan og natunong pa na sa Lunes, mao kini ang gitawag nila nga Buling-Buling kick-off. Mao usab kini ang kapistahan sa Barangay San Isidro.
Matod ni San Isidro Barangay Kapitan Irving Joseph “Chime” Arevalo, ang Bulinggipasiugdahan niadtong 1960s dihang ang kapitan mao si Adolfo Alvarez.
Kaniadto, usa ka adlaw human ang piyesta, mosulod si Alvarez sa mga balay ug mangbuling sa mga tagbalay, dayon moadto sila sa baybayon aron maligo ug didto sila mag-games.
Karon, aron pabilin ang maong tradisyon, naa gihapon ang buling ug tungod kay lisod na ang baybayon sa dapit, ipaagi sa sprinklers ang tubig aron makaligo ang tanan. Alas 12 sa tungang gabii sa petsa 16, magsugod na ang basa-basa ug ang party.
“(Among) gi- continue ang tradition with a modern twist,” si Arevalo ning nahinabi sa Superbalita Cebu.
Moabot sa libo ka mga tawo ang makighuot sa social center sa San Isidro aron lang makilingaw ug makasinati sa tinuig nga Buling-Buling.
Dili hinuon maitandi sa kapitan ang maong festival tungod kay lahi-lahi man ang pagselebrar niini agi’g pasidungog sa patron usab sa matag barangay.
Matod niya, maglisod sila og tandi sa nakalabay nga mga Buling-Buling tungod kay magpabilin ang nindot ug lingaw nga kasinatian niini.
“I invite sa tanan nga wala pa makasuway og Buling-Buling, mo-attend mo og BulingI’m sure nga dili gyud mo mausikan sa inyong oras, pag-ari pag-attend.”
Ang uban nga mo-attend sa maong festival, inig ugma, molahos sa Kalanggaman Island aron mangaligo.
Sunod tuig, ayaw kalimot, ibutang na kini sa imong bucket list ug suwayi ang Buling-Buling Festival. /