Kalambuan sa natad sa kalingawan
Pwerteng lingawa sa mga Oslobanon ug taga silingang dapit nga niadto sa covered court adtong Sabado atol sa gipahigayong Barangayan sa Argentina Beef Loaf ug Corned Beef.
Sila si Joem Bascon, Pokwang ug Paulo Avelino ang mga
celebrity guests. Pakusganay sa siyagit ang nahitabo.
○○○ Medyo nasubo ang mga Bisaya sa pagpanaw ni Chikita nga nailhan tungod sa iyang mga komedya sa video. Ubay-ubay sab to uy!
Gihaya karon sa Chikita sa usa ka kapilya sa Brgy. Calamba ug ilubong unyang Dominggo. Pahulay sa kalinaw, Chikita.
Adto na lang sa langit pagkomedya ha. Hehe.
○○○ Si Liza Soberano gyud ang napiling bag-ong Darna. Duna toy mga hungihong nga gipili-an sila si Kathryn Bernardo, Nadine Lustre, Jessy Mendiola ug uban pang Kapamilya pero si Liza ang napili.
Gawas niini, si Liza usab ang modala sa papel isip Ms. Universe 2015 Pia Wurtzbach sa Maalaala Mo Kaya ugma. Atong atangan.
○○○ Gawas sa konserto matag karon ug unya, ang gika-busyhan sa mag-aawit nga si Selina Sevilla mao ang pagpagwapo ug pagpagwapa sa mga Cebuano. Bag-o pa lang, nakig-abin sila ni Lalen Calayan sa magtiayong magpapatigayon nga sila si Michel ug Amparito Lhuillier.
Karong bulana, ablihan ni Selina ang gitawag og Selina’s Castle of Beauty sa Parkmall. May giandam si Selina nga mga kanta nga may kaubang kuyawkuyaw nga pautot inig abli sa Hun. 8 (soft) ug Hun. 18 (grandj). Atangan na sab ni nato.
○○○ Kapamilya na si Richard Gutierrez ug makauban na sab niya ang kanhi kapares niya sa Kapuso Network nga si Angel Locsin. Mag-uban sila sa teleseryeng La Luna Sangre diin apil usab si John Lloyd Cruz.
Mag-pares usab sila sa pelikula nga apil si Angelica Panganiban. Matod ni Richard nga Wife Husband Wife ang ulohan.
○○○ Tingklase na pod. Gawas sa pagtuon sa leksyon, kinahanglan ang pag-amping, mga estudyante. Labaw sa tanan, enjoy!