Mimosa sa Labangon gisugdan na
Nagpadayon ang Johndorf Ventures Corp. ( JVC) sa agresibong pagpalapad sa dihang gisugdan niini sa pag-ugmad sa Mimosa, laing subdivision sa Asyanong mga townhouse, karon sa kasigbit nga bahin sa Labangon.
Sa puhunan nga P200 milyones, ugmaron sa JVC ang dos ektaryang Mimosa sa hinugpong nga 157 ka mga townhouse nga magkantidad og gikan sa P2.5 milyones hangtud P3.5 milyones matag usa.
Nangulo si COO Jimmy Alvarez sa groundbreaking ceremonies uban ni Eng'r. Raymond Lim. construction management director sa kompanya.
Misunod ning maong kaugmaran human gilusad sa Johndorf ang duka ka mga dinagkong proyekto duha pa lang ka bulan ang milabay – Evissa sa Johndorf Communities Calawisan sa dakbayan sa Lapu-Lapu ug Tierra Nava sa dakbayan sa Carcar.
Laing tulo pa ka proyekto ang mosunod sa nagkalainlaing dakbayan sa Kabisay-an ug Mindanao ning tuiga.
Ang mapinigong komunidad sulod sa Mimosa aduna unya'y swimming pool, clubhouse, basketanan ug igong mga luna nga suroyanan ug kadula-an nga angayan sang katapoktapokan sa mga lumolupyo unya.
Gitanyag ang Mimosa alang sa mga urban professionals nga buot makabaton sa una o' ikaduha nilang puloy-anan, matod ni Michele Chiu-Bacungan, sales and marketing manager sa JVC.
Mamahimong pilion sa mga pumapalitay sa bisag asang kaabag sa JVC, mga kompanya nga kanunay nakig-alayon pinaagi sa pagtanyag sa mga umaabot nga pumopuyo og mga maabot ug makatarunganong pahuwam.
Mamahimong matawag ang mga giilang broker o mabisita ang opisina sa Johndorf sa ika14th nga andana sa Ayala Life - FGU Center sa Ayala Center Cebu.