PISTON MANGU SA RALI KARON

Mag-rally karong adlawa ang Pinagkaisang Samahan ng mga Tsuper at Operators Nationawide (PISTON) Cebu isip suporta sa nationwide nga welga niining pag-phase out na sa jeepney nga adunay pangedaron nga 15-anyos pataas.

Lakip sa ilang giprotestahan kining deklarasyon ni Presidente Rodrgio Duterte nga Martial law sa Mindanao diin batok ang grupo niini.

Si Greg Perez, coordinator sa Piston Cebu, nagkanayon nga wala silay tumong nga makaparalisa sa transportasyon karong adlawa ilabi na nga sugod sa abli sa klase.

Dugang niini nga gatos lang ka sakop nila ang momartsa gikan sa Maguikay, dakbayan sa Mandaue paingon sa buhatan sa Land Transportation Franchising and Regulatory Board (LTFRB) 7.

Sugod alas 8:00 sa buntag karong adlawa ngadto na sa udto ang rally.

Hinuon bisan paman og adunay drayber sa pampasahero nga jeep ang moapil sa rally, apan gikan kini sa nagkalain-laing rota, aduna usab nga mga drayber sa traysikol.

Lakip sa ilang padayon nga protesta kining dagko nga multa ubos sa Joint Administrative Order 2014-01.

Samtang, si LTFRB 7 director Ahmed Cuizon nihangyo sa grupo nga di moparalisa sa pampubliko nga transportasyon, “Let's allow PISTON to avail of peaceful means of protest under our democratic regime. That is their constitutional right and we respect it.”

“If they want the public to sympathize with their cause, they should not deprive them of their right to mobility. A transport strike will only anger the public who may end up getting tired of jeepneys and clamor for other means of mass transport instead,” matod ni Cuizon pinaagi sa text message niini nga nadawat sa Superbalita Cebu.

Gawas niini agig suporta sa ahensiya sa pagbukas sa klase karong adlawa adunay inspection sila nga pagahimuon sa mga school bus sa mga tunghaan sa Sugbo.

“Samtang busy ang PISTON sa pagprotesta, ma-busy pod mi pagseguro nga ang mga sakyanan sa mga eskwelahan," dason ni Cuizon. /

/ Arni Aclao ■ PENTECOST SUNDAY. Si Cebu Archbishop Jose Palma nangulo sa misa sa Pentecost Sunday nga gipahigayon sa IC3 Pavilion kagahapon, uban sa panawagan sa kahiusahan sa simbahan ug pagpalig-on sa pagtuo taliwala sa daghang hagit sa panahon.