10 TIPS KARONG ABLI NA USAB SA KLASE
Karong adlawa hingpit nga nagsugod ang laing school year diin tingsugod na usab sa klase alang sa kadtong mga tinun-an.
Aduna’y uban nga natagbaw na sa ilang summer
vacation samtang aduna’y uban nga wala ug gusto pa nga I- extend kini.
Hinuon, magdepende kini sa tunghaan kon asa ka na-enrol, ang importante andam ka nga makakita sa imong
favorite teacher, mga klasmayt kaniadto nga posibleng klasmayt gihapon nimo karon.
Ania’y pipila ka tips nga mamahimo nimo nga sundon aron lingaw ug nindot ang sugod sa imong school year.
1. Huna-hunaa nga bag-o kini nga tuig.
Ibilin tanang bati nga angay ibilin sa imong niagi nga level, huna-huna nga bag-o kini. Pagsugod nga presko.
2. Pamalit sa imong school supplies.
Karong adlawa sagad mahibaw-an ang gikinahanglan alang sa school year.
Ilista kini og pamalit. Palita kadtong molungtad bisan paman og mahal.
3. Ipakita sa mga tawo pinaagi sa imong aksyon ang bag-o nga ikaw.
Ayaw pagdala dayon sa imong libro, o kaha magduko nga maglakaw. Barog og tarong ug be proud. Be friendly ug ayaw kalimot og smile ug tagda kadtong mga kaila nimo o kadtong mga klasmayt nimo sa nakalabay nga grade level.
Mas maayo nga anaa ka’y mga higala sa inyong klase aron makapatukpaw kini sa imong kompiyansa sa kaugalingon.
4. Apil og teams o clubs. Ayaw kahadlok.
Tanan siguro nangulba susama nimo.
Kon ganahan ka og volleyball apan imong mga higala hilig og soccer, padayona imong gusto kay makafriends ra gihapon ka ana, mapun-an pa imong higala sa inyong eskwelahan.
Mas maayo nga daghan kag higala sa nagkadaiyang parte sa inyong tunghaan.
5. Pagnotes sa klase ug paminaw sa imong teacher.
Kadaghan na siguro ka nakadungog niini.
Kon maminaw man gud ka ug magnotes mas dako ka’g ma- save nga oras sa imong assignments ug makat-on pud ka. Diin mao kini ang tumong nga nieskwela ka.
Hinumdumi nga ang tunghaan dili lang kini lugar nga molingkod ka’s imong bangko ug magtan-aw sa blackboard.
6. Pagtuon.
Pag- effort og pagtuon. Kon maglisod ka nga magfocus sa pagtuon nga ikaw ra usa, pangita og study partner o study group.
Makurat nalang ka nga nagmalambuon ka sa pagtuon ingon man dili naka makulbaan sa panahon sa exam.
7. Ayaw pagpanic kon makadungog ka nga naa’y exam ugma.
Kon magpanic ka, dili ni makatabang.
I- relax imong huna-huna ug balik sa imong notes ug sa imong libro.
Basaha ang chapter o lesson nga mogawas sa exam hangtod nga makasabot ka niini ug ma- picture out na kini nimo nga makahinumdom naka.
8. Pakisusi unsaon nimo pagpasar nga naa’y honors.
Dili siguro maayo paminawon nga mangutana ka niini sa unang adlaw sa klase.
Apan kon mangutana ka sa imong mga magtutudlo ug conselors og sayo kon unsaon nimo pag-graduwar nga aduna’y honor, mas aduna ka’y focus ug naa ka’y goal unsaon kini pagkuha.
9. Itratar ang tanan nga patas ug aduna’y respetar ug dignidad.
Susama kon unsa usab ka nga gusto itratar.
Suwayi nga ikaw usab dayegon sa mga kauban nimo sa tunghaan nga maayo ka nga estudyante ug tawo.
Sa maong pamaagi, mas monindot imong adlaw.
Ang hingamigo sa tanan, maayo kini ug madala kini nimo sa imong tibuok kinabuhi.
10. Kinahanglan nga abli ka’s bag-ong higala ug kasinatian.
Dili lang pagkat-on ang anaa sa tunghaan.
Lakip na niini nga makasugat ka og nagkadaiyang personalidad.
Ayaw kaayo kaguol nga ang kaniadto nimo higala sa elementarya wala na managad kaayo nimo kay basin naa na siyay bag-ong higala.
Wala kini nagpasabot nga dili nakafriendly nila apan nagpasabot kini nga nagdako ug nagpadayon mo sa inyong kinabuhi apan sa lahi nga direksyon.