James, Jordan di angay ikumpara -- Pippen

Pito ka sunodsunod nga pagsulod sa National Basketball Association (NBA) Finals, usa lang sa talagsang mga naabot ni Cleveland Cavaliers superstar LeBron James karong tuiga.

Unya gawas niini, naapsan sab ni James si basketball legend Michael Jordan isip all-time scoring leader sa playoffs.

Kining maong mga kalampusan nakasugnod lang og dugang sa debate kon nalabwan na ba sab ni James si Jordan isip greatest of all time.

Alang sa partner ni Jordan sa Chicago Bulls nga si NBA Hall of Famer Scottie Pippen, wala’y pulos ang maong panagtandi.

Nagkanayon si Pippen nga dili angayang itandi si James kang Jordan ug bisan kang Kobe Bryant sa Los Angeles Lakers gumikan kay lahi ang klase sa duwa ni James kumpara

sa duha sa labing kuyaw nga offguards sa taas nga kasaysayan sa NBA.

“I don’t think [LeBron] should be compared to either of those players because they play different positions. Kobe and Michael [ Jordan] are both 2-guards. They’re both scorers. They’re mostly like a Kyrie [Irving]. They’re looking to score the basketball when it hits their hand,” pasabot ni Pippen.

“They’re not looking to make plays for anyone on the floor. They’re not looking to be a facilitator. That’s the role that LeBron plays because he’s such a dominant and powerful force, and he’s a great passer.”

Alang kang Pippen, mas aduna ba’y pulos kon itandi si James kaniya o kaha Magic Johnson.

Hinuon giangkon ni Pippen nga klarong mas dominante si James kon itandi bisan asa nila ni Johnson.