Abella, Chiseror nanghawod sa A-Plus All Weather run

Gipatigbabawan nila ni Lizane Abella sa Minglanilla ug Kenyan Eric Chipseror sa ikatulong edisyon sa A-Plus All Weather Paint Fun Run 12- kilometer event kagahapon sa Ayala Terraces.

Si Abella, 3rd placer sa 40th Milo Marathon Finals, maoy midaog sa women’s 12K pinaagi sa oras nga 49 ka mga minutos ug 39 segundos.

Nakaangkon sa ikaduhang dapit mao si Ruffa Sorongon, kinsa adunay oras nga 49:46 samtang ikatulo si Jenezel Saballa, kinsa mirehistro og 55:22.

Sa iyang bahin, si Chipseror midominar sa men’s 12K pinaagi sa oras nga 38:10.

Ang nagsunod kaniya ang iyang kababayang si Joseph Mururi, kinsa mioras og 41:17 samtang si Ian Refuela came maoy nakaangkon sa ikatulong dapit sa oras nga 43:52.

Sa 6K race, si Raphael Pescos maoy midaog sa men’s title pinaagi sa oras nga 21:51, ikaduha si Azlan Pagay (21:56) ug ikatulo si Harold Kim Guiao (21:59).

Ang milampos sa women’s class mao si Cherry Andrin, kinsa mioras og 26:06, ikaduha si Charrise Encarnacio (28:03) ug ikatulo si Angel Estellore (28:58).

Naghari sa 3K men’s mao si Ronilo Gabilan (11:01), ikaduha si Russel Ardiente (11:17) ug ikatulo si Albert Godinez (11:19).

Si Mary Joy Loberanis maoy midaog sa 3K women’s pinaagi sa oras ng 12:51 unya nagsunod sila si Rhea Mae Garocho (14:01) ug Lovely Andrin (14:03).

Ang lumba tipik sa kasaulogan sa ika-25 ka mga tuig nga anibersaryo sa A-Plus All Weather Paint.

Ang tanang kita niini ihatag isip donasyon ngadto sa Asilo de la Milagrosa Orphanage alang sa edukasyon ug uban pang panginahanglanon sa mga bata nga giamuma ning maong pasilidad.