CAVS MOPISIKAL
They will be way more physical. They’re going to be way more aggressive in the pick-and-roll on the offensive end and defensively. They’re going to try to get their 3-point shooters going and rebound the ball. – Kevin Durant
Adunay prayoridad nga buhaton ang Cleveland Cavaliers sa ilang pagpakigbatok og balik sa host Golden State Warriors karong adlawa sa Game 2 sa National Basketball Association (NBA) Finals sa Oracle Arena sa Oakland, California.
Gimanduan ni Cavaliers coach Tyronn Lue ang iyang mga batos nga ang labing una nilang tutokan mao ang pagpugong sa kanunayng pinasahay og bola sa Warriors. Inig human niini, kinahanglang adunay magdupa nga kamot atubangan sa mga shooter sa Warriors.
Kinahanglang dili na sab makahigayon og yanong mga hansak ug itsa ang usa sa mga pambato sa Warriors nga si Kevin Durant.
Nasayod si Durant niini. “Well, I’m pretty sure that won’t happen tomorrow,” asoy ni Durant kagahapon.
“They will be way more physical. They’re going to be way more aggressive in the pick-and-roll on the offensive end and defensively. They’re going to try to get their 3-point shooters going and rebound the ball. They’re going to try to get more offensive rebounds. They’re just going to muck the game up and be physical.”
Kining tanan kinahanglang mabuhat sa Cavaliers ning higayuna kon tinguha nilang makabawi gikan sa 91-113 nga kapildihan sa Game 1.
Sa Game 1, si Durant nakapakatap og 38 puntos lakip na niini ang unom ka yanong mga hansak sa 1st half.
“We can’t let Durant get easy baskets like that,” batbat ni Lue. “With him being probably one of the best scorers in the NBA, you can’t give guys like that easy opportunities at the basket.”
Kinahanglang protektahan sab sa Cavaliers ang bola sa kanunay. Sa Game 1, nakamugna sila og 20 ka turnovers nga napahimuslan og sakto sa Warriors.
“We had a lot of unforced turnovers. Some of them were from aggression,” matod sa labing sinaligan sa Cavaliers nga si LeBron James.
“I had two charges, that’s aggression. I can take those. But also had some when I got caught in the air and tried to make some skip passes and they were able to pick them off.”
Ang Warriors, nga adunay makasaysayong rekord nga 13-0 sa playoffs sa kasamtangan, nipadayag nga wala pa nila napagawas ang labing maayo nilang duwa.
Adunay daghang kahigayunan ang Warriors sa Game 1 nga makamugna og puntos nga wala nila nahimo ug mao kini ang angayan nilang makorehian.