P76 MILYON GIBIYAAN SA MAUTE
P52M CASH, P23.7M TSEKE SA MARAWI
Mga tropa sa kagamhanan nga nakiggubat sa Maute ug Abu Sayyaf Group nakapag og P76 milyunes nga cash ug tseke sa dakbayan sa Marawi.
Ang nakapag mao ang Philippine Marines nga gipangulohan ni 1Lt. Feredrick Savellano sa Brgy. Saduc Proper, dakbayan sa Marawi.
Ang napalgan sud sa usa ka balay mao ang P52.2 milyunes cash ug bahaw nga tseke nga balor og P23,776,386.
Nasulod sa mga sundawo ang balay human mapatay ang usa ka sniper sa mga terorista, diin usab nahimutang ang usa ka machine gun.
Nakaplagan usab sa sud sa balay ang usa ka M16 armalite rifle.
Wa pa masayri kinsa ang tag-iya sa balay nga dunay underground. Padayon pa usab nilang giila kinsa ang tag-iya sa kwarta ug mga tseke.
Ang nakuha nga kwarta gihipos sa Armed Forces of the Philippines (AFP) samtang mag-padayon ang imbestigasyon ug pag-ila sa tag-iya niini.
Higpit ang seguridad nga gipatuman sa mga opisyal sa kasundalohan kagahapon sa buntag sa nahimutangan sa kwarta.
Way media nga gitugtan nga makasulod sa lugar apan human manggawas sa social media ang pagkakaplag sa kwarta ug tseke, nipahigayon na sila og press conference.
Si Task Force Marawi commander Brig. General Rolando Bautista nidayeg sa mga iyang mga ginsakpan tungod sa pagkamatinud-anon.
“In contrast, the Maute/ASG (Abu Sayyaf Group) vandalized, looted and burned school buildings, hospital rooms, houses and destroyed many properties in Marawi,” nagkanayon si Bautista.
Si Brigadier General Restituto Padilla, tigpamaba sa AFP, niingon nga ang pagkabawi sa kwarta nagpamatuod nga di tinuod nga ag mga sundawo nalambigit sa mga pagpangawat nga maoy gipasangil sa pipila ka mga sektor.
Gikompirmar usab ni Padilla nga nagkahinay ang pagsukol sa nahabiling mga sakop sa Maute nga lahi sa unang mga adlaw sa gubat.
Siya niingon nga naa ra sa
ground commander kon kanus-a malimpyohi ang mga dapit sa Marawi gikan sa mga terorista.
Maute nasikop
Mga sakop sa Task Force Davao ug Davao City police nakasikop sa amahan sa magsuong lider sa Maute group ug iyang pamilya sa Sirawan
checkpoint sa Davao City kagahapon sa buntag.
Nasikop mao si Casamora Maute, ang unang Maute member nga naa sa gallery sa mga terorista kinsa gidudahan usab nga lider, matod ni Davao City Police Office (DCPO) Director Alexander Tagum.
Lakip sa nasikop ang iyang duha ka mga umagad ug si Ominta Romato alias farhana, gituohang asawa ni Casamora.