PIA, WALA MAMAKAK SA LIFE STORY SA MMK
Gihimakak sa kampo ni Miss Universe 2015 Pia Wurtzbach ang alegasyong namakak ang beauty queen sa iyang life story sa "Maalaala Mo Kaya" niadtong Sabado, labi na sa iyang relasyon sa namatay niyang amahan nga si Uwe Wurtzbach nga dunay sakit sa kasingkasing.
Matod sa source sa Pep.ph nga tinuod ang scene nga gipakita sa MMK, diin nangayo ang iyang papa og kwarta human nidaug siyang 1st runner-up sa Binibining Pilipinas 2013.
“But when you are 1st runner-up, wala ka ding pera from winnings 'coz technically you don't have a crown. So, Pia said she couldn't help,” matod sa source.
Gani, ang manghud pa kuno ni Pia nga si Sarah Wurtzbach nga nagtrabaho sa United Kingdom ang mohatag og kuwarta ni Pia niadto.
Apan sukwahi ni sa reklamo ni Robie Asingua, live-in partner ni Uwe, nga nangugat nga wala gyud mangayo og kuwarta ang papa ni Pia bisan kausa.
Matod usab ni Robie nga ang mama ni Pia nga si Cheryl Alonzo Tyndall daan nang dunay asawa sa wala pa nahimong sila ni Uwe, ug duna na sad kunoy bag-ong mister karon.
Sa laing bahin, ang igsuon ni Pia Wurtzbach nga si Sarah Wurtzbach nga kauban ni Pia nga nidako sa Cagayan de Oro gitubag ug gipasidan-an ang anak ni Robie nga si Alexander Wurtzbach.
“Baka gusto mong kalkalin ko yung mga message nyo ng nanay mo sa amin. Baka mapahiya ka. [peace emoji] “Tigil na kasi, ayan na fame oh! EMBRACE IT!” ni Sarah.