PARI NGA ROBOT MOBENDISYON
Pari nga robot mobendisyon sa mga magtutuo.
Usa ka pari nga robot nga gipalambo sa Evangelical Church sa Hesse ug Nassau karon nagbendisyon sa mga magtutuo sa naasoyng relihiyon.
Ang robot gihinganlan og “BlessU-2” nga nagpasundayag na sa iyang abilidad sa lungsod sa Wittenberg.
Si BlessU-2 gihimu sa Evangelical Church aron pagselebrar sa ika-500 nga tuig ni Martin Luther sukad sa iyang pagmantala sa Ninety-Five Theses ug Protestant Reformation.
Sa taho sa Mirror News, ang robot adunay ulo nga naay mata, duha ka kamot nga musiga, touch screen sa iyang dughan ug may digital nga baba.
Si BlessU-2 human mangumusta sa mga tawo iya kining pangutan-on kun gusto ba sila nga may lalaki o babaye nga tingog.
Human iya usab pangutanang magtutuo, "what blessing do you want” dayun iyang ipataas iyang mga kamot ug mungisi.
Kalit lang dayun og siga ang kamot ni BlessU-2 ug siya musulti, “God bless and protect you” ug musaysay og biblical verse.
Matud ni Sebastian von Gehren, tigpamaba sa relihiyon, nga si BlessU-2 usa ka eksperimento nga gituhuan nga muhatag og kadasig sa mga magtutuo sa ilang relihiyon.
Dugang ni Von Gehren nga di kinahanglan nga ilisdan ang mga pastor nga maoy naghatag og panalangin sa mga magtutuo tungod kay sa umaabot nga panahon way robot ang magbendisyon sa matag simbahan. /