Bahin ISIS sa Pilipinas daghan
Para nako angayang kahadlukan ang pagangkon sa defense minister sa nasud sa Indonesia, dunay 1,200 ka mga ISIS dinhi sa Pilipinas.
Kining nabulgar nga kasayuran dakong insulto sa militar. Kay sobli nilang gibalikbalik nga wapa maka sulod dinhi sa atong nasud ang Islamic State of Iran and Syria (ISIS).
Nagpasabot ba nga ingon ani ka hinay ang intelligence sa kasundaluhan?
Maayo tingali og malakip kini sa imbistigasyon kon giunsa pagwaldas sa mga Heneral ang kuwarta.
Ebidensya niini ang pagsud sa ISIS kauban ang Maute sa siyudad sa Marawi nga wa nila mabantayi.
Kay kon gihimo pa sa militar ang ilang trabaho dili ingon niini kadako ang problema nga nasinati karon sa Marawi City.
Grabing kadaot sa siyudad tungod sa pagpamomba sa militar tungod sa presensya sa mga bandidong grupo nga nagtinguha nga mokontrolar sa lugar.
Ang peligro niini kay ang ISIS andam mopatay ug magpaka matay tungod sa pagtuo sa ilang relihiyon.
Ang delikado matintal sa kuwarta ang mahaylo aron nahimong sakop kay grabi ka daghan og kuwarta ang ISIS.
Gani, dul-an sa P80 milyunes ang nakuha sa militar sa USA ka panimalay nga gihimong tagoanan sa nagpadayon gubat sa Marawi.
Kontrobersya sa ospital
Gisuspenso na ang pangulo sa District ospital sa lungsod sa Minglanilla human sa kontrobersya sa pagpasagad sa pasyente nga naligsan ug namatay.
Mao kini ang konpirmasyon ni Provincial Board Member Tata Salvador ang vice chairman sa committe on health atol sa interview sa Agila.
Si Salvador nga nibisita sa mga nagkadaiyang district ospital sa Probinsya sa Sugbo human sa nahitabo nasubo sa maong isyu.
Matod ni Salvador prayoridad ang pag-asikaso sa mga pasayente.
Sa pagduol lang gani ngadto kaniya sa katawhan malipay man gani nga makakita kanila ug samot na kon ilang matabangan ang pasyente.
Ma-champion ang Warrior?
Moapil kog gamay sa paghisgut sa nagpadayon NBA Finals tali sa Golden State Warriors ug Cleveland Cavaliers.
Para nako hayag na ang pag angkon sa kampeonato sa Warriors hilabi na nga naangkon niini ang duha ka daog. Bisan paman ug na pildi ang Warriors ug na champion ang Cavaliers sa miaging tuig sa standing nga 3-1 pabor sa Warriors.
Karon dili na kini mahitabo. Nakat-on na ang Warriors sa ilang sayop ug maoy himoon nilang samin. Sa ato pa nagkahinog ug samotan pa nga anaa si Kevin Durant ug kanhi head coach sa Cavaliers nga si Brown naa na sa Warriors.