John Nite nipahawa na sa Resorts World
MANILA – Usa si John Nite sa performer sa "A Night With The Stars" sa Skydome a few nights back ug sa dihang napuntahan ko siya sa dressing room, ako siyang gipangutana kung nasaksihan ba niya ang nahitabo sa Resorts World tungod kay regular performer si John sa Bar 360 nga duol lang sa casino area.
"No, I was not there Timmy. I resigned two months ago," tubag ni John.
Sa akong pagsukit-sukit, budget o talent fee ang hinungdan sa iyang pag-resign.
Imbes nga motaas, gipagamyan kuno ang iyang budget to think nga dugay na si John nga performer sa nahisgutang venue.
"Marami ngang friends ang nag-alala sa akin, maraming nagte-text, marami ang tumatawag kung nasaan ba ako nang mangyari ang insidente, ang sabi ko I'm safe," dugang ni John.
○○○ Kada hapon, naka-sentro ang kadaghanan sa teleseryeng "Wild Flower" nga gibituonan ni Maja Salvador isip Lily/Ivy. Kulbahinam ang mga himuon niyang panimalos sa mga Ardiente.
Aside from Maja, giatngan sad ang confrontation scenes nila Aiko Melendez ug Sunshine Cruz tungod kay pareho sa iyang anak nga si Maja, palaban na sad karon si Sunshine sa iyang role.
Speaking of Sunshine, daghan ang nakurat sa dihang iyang gipamaba nga last year, nagtapos siya sa kursong Psychology. Yes, after nilang magbuwag ni Cesar, nagpadayon si Sunshine sa college ug ang nakanindot pa, gusto ni Sunshine nga mokuha og masteral degree para mahimo siyang ehemplo sa iyang mga anak nga mga teenager na sad.
Aba, okey si Sunshine. Imbes nga magmukmok ug madepress sa panagbuwag nila ni Cesar, iyang gi-divert ang iyang atensiyon sa pagpalambo sa iyang edukasyon.
Sa tan-aw ko, wala nay porohan magbalik sila ni Cesar Montano. Okey ang career ni Sunshine, happy ang kanyang lovelife og sweet na sweet sila ni Macky Mathay og labaw sa tanan, mga buotan ang iyang mga anak.