Nagsamoksamok

Dear Papa Joe,

Tawga lang ko sa ngalan nga Jeff, 27 years old ug duna nay stable nga trabaho. Ang akong suliran kabahin ni sa akong ex.

Naa koy nauyab sulod na sa lima ka tuig. Ug five months ago, nagkabuwag mi kay niabot na daw sa puol kay maorag walay padulngan ang among relasyon. Ganahan na sab kuno siya nga mo-explore sa iyang kinabuhi nga alone.

Nihangyo ko niya nga dili lang namo putlon ang among relasyon kay anugon ang mga tuig nga nagkauban mi. Niingon siya nga di na gyud mo workout ang among relasyon kay magsige na lang mi og away kay lagi di siya ganahan nga naay magbantay sa iyang lihok kay sa wala pa mi magkauyab, happy go lucky man ni siya. Na-control lang nako ning iyang nature pagkauyab namo.

To make the story short, nakauyab ko ug lain ug nakat-unan na nako paghigugma ning bag-o. Karon hinuon nga malipayon na ko, nagsamoksamok nako akong ex. Di daw siya moundang og samok hangtod nga mag-uli mi. Unsa may angay nakong buhaton? Tambagi ko.

JEFF

Jeff,

Kon malipayon na ka karon sa imong relasyon ug nakasinabot mo sa imong uyab nga bag-o sa sitwasyon, pasagdahi na ninyo kay iya man tong kagustuhan nga makigbuwag nimo in the first place. Basta wala lay panghulga nga nahitabo, aw, pasagdahi kay mapul-an ra na labi nga ipakita ninyo nga wala mo apektuhi. Pangamong ra nang iyaha kay karon ra man niya nakit-i ang importansya nimo kay wala naman ka.

Busa kon wala na kay gugma niya, ayaw paapekto sa iyang pagsamoksamok. Pero kon nahigugma paka, aw plantsaha ang tanan kay luoy sad ang bag-o nimo. Klaruha kon di ba garbo ang nipatigbabaw sa imong self. Kana lang ug daghang salamat.

PAPA JOE