P700 M subway sa Mambaling

Di masugdan ang P700 milyones nga subway sa barangay Mambaling kon di maaspalto ang mga libaong nga maoy agian sa mga sakyanan.

Kini ang gibutyag ni Francisco “Isko” Ouano, operations head sa City Traffic Operation Management (Citom), sanglit kini ang ilang nakitang deperensiya ug nakahatag og dugang kahasol sa mga motorista atol sa dry-run niadtong Hunyo 7.

Kagahapon, si Ouano ug mga opisyal sa Department of Public Works and Highways (DPWH) 7 nagtagbo aron hisgotan ang ilang sunod nga lakang subay sa ilang obserbasyon sa dry-run.

Gipadayag ni Ouano nga nipasalig ang DPWH 7 nga sunod semana, ilang buhaton kutob sa ilang mahimo nga makasugod na sila og ayo sa mga libaong nga maoy maagian sa rerouting.

Matod pa ni Ouano nga ang tanang dalan nagka-problema sa libaong sama pananglit sa Maria Gochan, Avocado, Ganciang diin adto sila molusot sa F. Lllamas ug mahimong moliko paingon sa dalan E. Sabellano para paingon sa barangay Poblacion Pardo.

Mao sab ang ilang nakita subay sa reklamo sa mga driver sa dalan Cabreros ug nisamot ang kabati sa dalan Tagunol paingon sa flyover.

Gihulagway niya nga moluagluag ang trapiko sa south district bisan kon masugdan na ang construction sa tunnel sanglit diretso na ang dagan sa mga sakyanan ug di na maglikoliko gumikan sa libaong.

Dugang ni Ouano nga kon mograbe ang kahuot sa trapiko gumikan sa kadaghan sa sakyanan./