2 ka docu films sa WWII ipasalida sa Ayala Cinema
Duha sa giila nga Filipino World War II (WWII) nga mga dokyumentaryo ang ipasalida karong Hunyo 12, 2017, dungan sa pagsaulog sa Independence Day karong Lunes, sa Ayala Cinema Cebu, alas 10:30 sa buntag.
Samtang nagkadugay ang panahon, nakalimtan sa mga tawo ang mga lokal nga bayani, kinsa sila nga nakig-away batok sa mga puwersa sa mga Amerikano ug Hapon nga buot mosakop sa Pilipinas.
Karong umaabot nga Independence Day, nindot nga tan-awon ang duha ka dokyumentaryo nga istorya sa mga sundalo nga wala na nihunong og panalipod sa nasod hilabi na sa Sugbo.
Si Mr. Lucky Guillermo, executive producer, niawhag
sa publiko nga motan-aw sa documentary films.
Matod niya usa kini ka kadako nga paagi nga mahatagan og bili ang mga bayanihong nabuhat sa mga sundalo kaniadto, ug dako usab ang makuha nga leksyon kabahin niini.
Si Prof. Jose Antonio Custodio, usa ka historian ug
historical consultant sa documentary film, nahinabi sa Superbalita Cebu.
Siya ang resource person ni Guillermo sud sa upat ka tuig. Ang duha ka documentary
films nag-ulohang 'Unsurrendered 2: The Hunters ROTC Guerrillas' ug 'Valor: The Legacy of Col. Emmanuel V. De Ocampo.'
Kini nga istorya nakasentro sa kinabuhi sa mga bayaning sundalo niadtong WWII. "Why 'Unsurrendered', because during April 9, it's Araw ng Kagitingan, the day that Bataan surrendered, it was also the Death March, but not all the Filipino surrendered. So, this also talks about the guerrillas. This is to preserve the prosperity to what had happened before, to let Filipino know that even WWII is not that all the Filipino surrendered, there were also Filipinos continued fighting," sigon ni Prof. Custodio.
Ang paghandum sa mga bayanihong gawi ug binuhatan sa mga sundalo ug mga Pilipino kaniadto lisud nga ipreserba sanglit minos na lang ang nakahinumdom ug naghisgut bahin nila.
Adunay daghan nga panghitabo nga wala na matuki tanan hilabi na sa mga tinun-an sa nagkalainlaing tunghaan
dinhi sa Sugbo ug sa tibuok Pilipinas.
"Marami ring Filipinos who keep on wondering sa kanilang national identity, why are we not proud of being a Filipino. So we have short memories of what had happened before, where in fact we have a lot of Filipino such as Col. Emmanuel V. de Ocampo, na hindi pa nakilala sa ibang mga pilipino especially of the millennials today", matod ni Prof. Custodio. Dili lisud ang pag- reenact sa mga panghitabo kaniadto tungod kay kasagaran sa mga actors ug performers sa maong documentary films kay mga history enthusiasts, kun mga tawo nga hilig ug ganahan nga motuki sa kasaysayan niadtong unang panahon. / Greshele Mamac, Blessie Carmel Mae Midel, CNU Interns