Unsay imong panahom sa pagban sa plastic?

Ang Cebu City pinaagi sa CO 2343, matag adlaw nga Sabado gi- ban ang paggamit og plastic bags apan niining bag-o, buot himuon ni Garcia nga kaupat sa usa ka semana did-an ang mga establishment paggamit niini ngadto sa ilang mga kustomer. Kon mapalabang sa siyudad, wala nay plastic shopping bags atol sa adlaw nga Biyernes, Sabado, Dominggo ug Lunes.

Dakong uyon kaayo para gyud na sa atoang kaayohan. Dili na angay supakon, ngano nabuhat mana sa ubang lugar? Kaya pud na nato aron dili maglisod og pangumpra, bring your own plastic. - Rowena Q. Patiño

Lisud sa mga mag- motorcycle ang bulsita nga maoy sudlan sa pinalit. - Rico Cuyos Auman

Uyon ko niini nga katulo nalang sa usa ka semana mogamit og plastik ang mga mall kay ang mga mall maoy

number 1 contributor sa basura. Unya atong mga imbornal mura nag ilong nga nabulit sa kugmo tungod sa mga plastik nga basura nga niungot. Maong inig uwan og kadiyot mobaha dayon kay dili naman makalahos ang tubig. - Jun Salde

Yes, uyon ko kay para mana sa kaayohan sa tanan. Sa matag usa ka nato, magbaton sad unta ta og maayong batasan ug dili ta magpasagad sa atong kalikupan aron makab-ot nato ang maayo nga kinaiyahan.

- Renato Genilla Pongase

Dakong uyon ko ani nga proyekto ug dakong tabang kaayo ni sa atong dakbayan. Save our planet! Save our Mother earth! Isip usa ka Cebuano, let’s help and cooperate. Mabuhay ka konsehal Raymond Alvin Garcia. - Marc Cuizon

I agree, mas maayo pa nga limited ang pag gamit og plastic aron kita madisiplina sa paglimpyo sa atong surroundings. Only us, the people, can save our Mother Earth! Lets cooperate and help each other. - Ericka Espinosa

Dakong uyon. Dili nato ikalimod nga halos tanang oras naa tay paliton sa tindahan, plastic gyud ang sudlan bisan pwede ra bitbiton unya inig abot sa balay perting daghanang plastic natigom. Dako gyud kong uyon aning proyekto ni Garcia.

- Ranulfo D. Eya