Kris Bernal gitubag ang isyu sa retoke
Daghang na- shock dihang ni-pose si Kris Bernal sa usa ka men's magazine niadtong Mayo ug first time kini niyang gibuhat. Dihang nibisita siya sa Sugbo daghan ang nakamatikod nga maorag nausab ang iyang pamayhon. Dunay niingon nga nagparetoke apan gi- deny ni sa dalaga.
Mature roles na pod iyang tirada kay dili naman kuno siya bata. Matod ni Kris Bernal nga ang iyang kausaban bunga sa iyang paningkamot. Regular kuno siyang mag- workout sa gym maong nigamay ug minindot ang iyang hitsura ug lawas. Misamot kaguapa ang Kapuso
star ug excited na siya sa iyang bag-ong teleserye, ang remake sa "Impostora".
Ang Impostora unang nisikat niadtong 2007 nga gibituonan niadto ni Iza Calzado sa title role kauban si Sunshine Dizon.
Karon usa ka bag-ong bidakontrabida ang Kris Bernal sa
remake nga "Impostora" ug si Rafael Rosel ang iyang kapartner.
Duha ka Kris ang atong makita dinhi nga magtigi dili lang sa kaguapa lakip na sa pag-arte.
Kon unsaon pagpakita ug pagatake sa aktres ang iyang role mao nay atong atangan, "Impostora" sa GMA7 hapit nah, ay'g saba!
Sa seryeng "A Love to Last," dili una si Ian Veneracion ug Bea Alonzo ang akong hisgutan, kondili ang atong paisanong Bisaya nga si JK Labajo.
Daghan man gud ang nakamatikod sa ulitawo sa iyang gipakitang katakos sa maong serye. Si JK nagsugod sa "The Voice" ug nahimo pang runner-up.
Sa kalit lang ang bata niadto, ulitawo na karon. Gawas sa pagkanta natagaan kini og break sa pag-arte.
Mao siguro nga sa latest interbyu ni JK, matod niya nga naka- concentrate una siya karon sa iyang acting career.
May isyu nga may duha ka girl kining na-ibgan o gipanguyaban: ang guapang si Sue Ramirez ug si Maureen sa "Asia's next top model.
Apan depensa ni JK nga mga amiga lang niya ang duha. Si Sue nakauban niya sa serye ug ubang mga programa sa Kapamilya. Samtang si Maureen dugay na kuno niyang suod nga higala. Ay'g saba! /