KaTropa vs. Gins sa semis
Duwa karon 6:30 pm- Ginebra batok Talk N’ Text Naangkon sa Talk N’ Text KaTropa ang katapusang luna sa semi-finals human nila gipangbuntog ang ilang igsuong puwersa Meralco Bolts pinaagi sa overtime, 104-96, sa miaging gabii sa ilang quarter-final knockout game sa Philippine Basketball Association (PBA) Commissioner’s Cup sa Araneta Coliseum.
Sa kadaugan, naangkon sa KaTropa ang katungod sa pagpakigharong sa Brgy. Ginebra Gin Kings sa semi-finals best-of-five series nga sugdan karong gabii.
Sa laing semis nga sangka, ang San Miguel Beermen ug Star Hotshots mao ang nagparang. Kagabii gisugdan ang ilang kaugalingong series.
Nausikan sa KaTropa ang ilang dobleng numero nga labaw sa regulation period apan mingbawi sila sa overtime aron angkunon ang kadaugan.
Ang kadaugan gipangulohan nila ni import Joshua Smith ug Jayson Castro pinaagi sa ilang 31 puntos matag usa. Si Smith nidugang sab og 27 ka rebounds.
Ang KaTropa nag-ung-ong na unta sa pultahan sa kapildihan sa hinapos nga bahin sa
regulation period ug maayo na lang kay nakapugos pa sila og overtime.
“As a coach, you can’t really give up early,” asoy ni TNT coach Nash Racela sa interbyu sa Spin.ph.
“We were down and we had a turnover before that last play of Meralco, but sabi namin na hangga’t hindi tapos, palaging may chance. In the end, we just wanted to force a turnover. Good thing they fouled and we were able to force overtime.” Puntos matag usa Talk N’ Text (104) – Castro 31, Smith 31, Pogoy 13, Reyes 8, De Ocampo 7, Garcia 7, Williams 6, Semerad 1
Meralco (96) - Amer 25, Dillinger 20, Stepheson 15, Hugnatan 12, Newsome 7, Hodge 6, Caram 6, Daquioag 3, Nabong 2.