2 KA MAMA GIPATAY

NANALIPOD SA ANAK; GITULIS

Duha ka mga inahan ang namatay, usa nanalipod sa iyang anak ug laing usa gitulis.

Patay ang usa ka inahan human kini misagang sa iyang anak dihang gipamusil sila niadtong Biyernes sa gabii sa Sitio Tagaytay, Barangay Corte, lungsod sa Carmen.

Wa pa masuta ang rason sa pagpamusil ug padayon karon ang imbestigasyon sa kapulisan sa Carmen.

Matod ni SPO2 Simplicio Gibo, nga alas 9:00 sa gabii samtang nagnaglingkod si Ricardo Monsanto, 23, sa usa ka bangko gawas sa ilang payag samtang nag-guitar dihang aduna'y usa ka mamumuno nga kalit lang niabot ug nipabuto kini.

Sa saysay ni Ricardo, kaduha kini nipabuto niya ug wala kini maigo kaniya, dali siyang nidagan sulod sa ilang payag diin natulog ang inahan niini nga si Maria Belen Capute Monsanto, 56, ug iyang apohan nga si Silvestra Paring Capute, 76.

Dugang sa 23-anyos nga biktima nga gisundan pa siya sa wala mailhing mamumuno sulod ug didto na nga gigakos siya sa iyang inahan ug nakaangkon kini og nagkadaiyang samad sa iyang lawas.

Samtang samdan usab sa tuo nga tuhod ang iyang lola nga si Silvestra ug si Ricardo nakaangkon usab og samad sa tuo nga paa niini.

Nakahigayon pa og dagan si Ricardo sa kalasangan ug didto siya nitago hangtod nibuntag.

Alas 6:00 sa buntag dihang dali siyang nagpakitabang sa kapitan sa ilang barangay kinsa mao usab ang nitawag sa kapulisan aron ipahibawo ang maong insidente.

Nadala pa sa tambalanan ang mga biktima apan gideklarar nga dead on arrival si Maria Belen samtang padayon nga nagpaalim sila si Ricardo ug ang apohan niini.

Na- recover sa crime scene ang 10 ka basiyo sa kalibre .45 nga mao'y gigamit sa maong pagpamusil.

Gisubay pa karon sa kapulisan ang tumong ug rason sa mamumuno sa pagpamusil niini samtang padayon ang imbestigayon sa kapulisan.

Samtang, napalgan na lang nga patay ang usa ka ginang nga idudahan nga gitulis sulod sa gipa- renovate nila nga balay sa Sityo kaimito, Santa Ana, Barangay Labangon, siyudad sa Sugbo.

Ang biktima gikataho nga gikan nag- withdraw og kuwarta para isuweldo sa mga trabahante sa iyang balay.

Samdan sa dughan ug bukton mao si Lucia Albios, 52, ug ug dunay mga anak nagtrabaho sa abroad.

Sa pasiuna nga inbestigasyon ni SPO1 Wetzil Berry ug mga kauban sa Homicide Section nga unang nakadiskubre si James Keneth, ang anak sa biktima.

Matod ni Berry nga nakita sa anak ang iyang inahan nga diha ibabaw sa folding bed nga iyang gihigdaan, dapit sa sala.

Daghang dugo ang nagbanaw ilawom sa iyang gihigdaan.

Ang biktima nag-inusara nga nagpuyo sa iyang panimalay.

Dugang nasayran gikan kang James Keneth nga nag

withdraw og kwarta ang iyang inahan balor og P20 mil, wala na usab igkita ang pitaka niini.

Nagtuo ang kapolisan nga didto miagi sa gitukod nga damba ang tulisan diritso sa 2nd floor kay sirado ang mga pultahan sa panimalay.