Big time drug pushers sa Toledo nasikop
Igsuon sa barangay kapitan kinsa giingon nga usa ka big-time drug pusher ang nasikop sa operatiba sa Cebu Provincial Intelligence Branch (PIB) sa Barangay Canlumampao, dakbayan sa Toledo niadtong Sabado sa japon.
Ang suspetsado naila nga si Eduardo Tapilot Alicaba Jr., kinsa igsuon ni Canlumampao Barangay Captain Danilo Alicaba.
Nasayran nga ang amahan niini nga si Eduardo Sr., ug duha ka babayeng igsuon, Lorna Alicaba Batuto ug Irene Alicaba Gerale, mga konsehal usab sa maong barangay.
Imbestigahan sa PIB ang maong mga barangay opisyal kinsa wala makataho sa kapulisan kabahin sa ilang paryente.
Si Eduardo Jr., mao ang usa sa high-value targets sa Cebu Provincial Polic eOffice kinsa usa ka drug lord.
Pinasikad sa warrant of arrest nga gi-isyu ni Toledo City Regional Trial Court Branch 29 Judge Reuben Altubar, nasikop ang maong suspek.
Ang deputy chief sa PIB nga si Sr. Insp. Nazareno Emia, nagkanayon nga si Eduardo Jr., ilado nga siga sa ilang lugar kinsa naila usab nga hitman.
Nasayran nga daghan na usab nga insidente sa pagpanulis ang nalambigitan niini.
Dugang niini nga mangolekta pa ang maong suspetsado og P500 matag truck sa magdala og bas ug garaba gikan sa Cambang-og, Toledo.
Samtang, tulo usa ka suspetsado nga drug pusher ang nasikop sa Barangay Poblacion Occidental, Consolacion niadtong Sabado sa gabii.
Nakuha gikan sa mga suspetsado ang 12 gramos sa shabu nga nagkantidad og P141,600.
Ang nasikop naila nga sila si Mario Maluya Rosell, 57; Glenn Quiño Sasing, 46, ug Ricky Cole Estañero.