For friend, for love
Sa sulod sa school campus, di kalikayan nga magkakita mi si Rowan. Parehas karong adlawa, nakita ko siya nga nga mipaingon sa canteen. Gitanko ang akong selpon,
ten in the morning. Sa ingon aning orasa, mag-esnak gyud si Rowan. Aw, wa man tingali siyay klase sa among oras. Ug ako sab, vacant period nako.
Usually gyud nga moesnak ko aning orasa.
Pagsulod nako sa canteen, dunay gikaestorya si Rowan nga babaye. Nakaila ko sa babaye, si Mam Gloria, propesora sab sa eskol. Sa akong nahibaw-an, dalaga pa kini. Bisag guwapa ug seksi si Mam Gloria apan wa maminyo. Puparehas silag edad si Rowan. Kon buot sabton, pareson silang duha. Human ko makaorder og
cassava cake ug juice sa counter, milingkod ko sa lamesa nga simpig sa bungbong. Nagpaatbang ko kanila ni Rowan ug Mama Gloria. Malipayon sila samtang nangaon. Usahay mohapak si Mama Gloria sa bukton ni Rowan. Tingali, dunay gikahimut-an sa gisulti ni Rowan.
Karon pa ko makakita nila nga nag-estoryahay. Sa tan-aw ko nila, morag suod na kaayo sila. Aw, parehas gud silang propesor sa usa ka university.
Normal lang kini nga mahitabo. Miuna kog gawas sa canteen pagkahuman kog esnak. Gikasugat ko si Greg. “Hi, Grace!” Gingislitan ko si Greg. “Hello!” “Mamisita ko nimo unyang gabii, ha?”
Kaswal lang ang maong pagkasulti ni Greg. Klaro nga komportable siya sa among mga pulong. Nuon, kanunay na man siyang nagpamisitahan nako. Almost six months na siyang nangulitawo nako. Usa ra ka boarding house ang gipuy-an nila ni Rowan. Mao bitaw nga nagkaila mi kay usahay magkakuyog mi sa pagsulod sa eskuwelahan inig kabuntag. Duna say mga panahon nga magkakuyog mi sa pagpauli inig kahapon.
Taga Leyte si Greg. Kon hitsura ang hisgotan, well, attractive siya sa mga girls. Tall,
dark and handsome si Greg. Mitando ko. di estrikta og estrikto ang among landlady ug landlord. Masinabuton sila. Gitugtan ming ilang mga
boarders nga babaye nga modawat og bisitang lalaki panahon sa kagabhion. Apan dunay limit ang oras, kutob lang sa alas nuybe.
Di lisod higugmaon si Greg. Buotan siya sa akong tan-aw niya. Gani, nakahunahuna na man ko sa pagsugot niya.