Kontrahan ni Mama

Dear Papa Joe, Ako day si Amelia, 26 anyos, taga southern aart sa Cebu.Nag- inusarang babaye sa lima ka mga managsuon ug duha na ang nangaminyo.

Ang akong suliran kabahin sa akong mama.Wala na man koy papa kay patay na. Permi ko niya kontrahan pero di siya pareha sa una nga buhi pa si papa. Halos na lang kada lihok nako kasab an ko nga wa man ta ko magtinapolan sa amo kay akoy mo lung-ag, limpyo ug laba, pero mao lang gihapon kasab-an ko nga mas tapulan man gani akong mga igsuon nga mga lalake inig uli sa trabaho kaon lang unya basketball, matug.

Ako nagka puliki sa trabaho, ako man hinuon ang kasab an. Usahay makaingon ko nga di siguro ko anak sa akong mama kay ako man ang permi niya Makita. Usahay maka ingon na lang ko nga molayas ko kay wa man koy bili. Unsa may angay buhaton nako? Palihug tambagi ko. AMELIA Amelia,

Naa lang kay wa masabti siguro sa sitwasyon nga medyo natuhog nako gamay. Siguro ang gusto sa imong mama sa imong edad nga 26 mao ang pagpangita og trabaho. Tinuod naka mention ka nga nagtrabaho ang imong mga igsuon pero wala man sad nimo masaysay kon unsa sab ang ilang trabaho. Basin kuwang ra ang ilang income ug gusto ni mama nimo nga mo trabaho ka kay para makapuno o makahatag ka niya og kwarta kay sa manglimpyo o manglaba. Wala sad nimo isaysay nganong sa imong edad wala kay work pero sa akong tan aw mao na ang punto ni mama nimo kay sa inyong pamilya mura ra sad ka ug nagpabuhi. Ayaw lang laina og sabot pero suwayi kuno pangaplay og trabaho kay basin mausab siya. Pahibaw-a ko sa unsay mamahimong result. Daghang salamat. PAPA JOE