JAMES, DURANT NAGKA-INITAY
Nagkasaka ang emusyon sa Natonal Basketball Association (NBA) Finals nga hasta ang suod nga managhigalang sila si LeBron James ug Kevin Durant naglinabaya’y na og mainitong mga pulong. Ang Golden State Warriors ni Durant kasamtangan naguna sa best-of-seven finals, 3-1, batok sa Cleveland Cavaliers ni James.
Apan ang dakong kadaugan sa Cavaliers sa Game 4, 137116, nakapabuhi og balik sa moral sa defending champions nga makamugna og matawag nga silingan sa milagro – ang hingpit nga pagbangon gikan sa 0-3 nga biya.
Ning maong duwa, ang Cavaliers nagpauwan og 24 ka three-pointers, miposte og rekord sa usa ka quarter (49 puntos) ug halftime (86) sa kasaysayan sa finals. “That’s part of who we are,” matod ni James. “We set a lot of records since we assembled this team the last couple years.” Ang Cavaliers miposte og kasaysayan sa miaging season isip labing unang team nga nakabangon gikan sa 1-3 nga biya sa finals aron angkunon ang korona.
Lawom ang kasayuran sa Warriors niini gumikan kay sila man maoy biktima niadtong higayuna. Wala pa sa Warriors si Durant niadtong higayuna.
Dili ikalimod nga grabe ang kasakit nga gibati sa Warriors sa maong kasinatian.
Human nakaposte og 3-0 nga bintaha ang Warriors sa kasamtangang finals, kon dili tanan, kadaghanan sa mga mahiligon og baskeball ang wa na mohatag og bisan gamayng poruhan sa Cavaliers.
Sa kasaysayan sa NBA, wala pa’y team ang nakabangon gikan sa 0-3 nga biya sa finals o bisan pagpugos na lang og deciding Game 7.
Wala maghunahuna si James niini.
“I don’t like it. It causes too much stress,” matod ni James.
“I’m stressed out. Keep doing this every year. We’ve just got some resilient guys.” Nanglupad ang technical
fouls sa kadaugan sa Cavaliers sa Game 4 ug lakip sa mga natugpahan niini mao sila si James ug Durant dihang naglalis ang duha ka superstars. “We weren’t coming to blows. We were just talking. That’s a part of basketball,” matod ni Durant.
“It’s like the aura of the game created trash talk. I’m sure it’s going to continue. There’s nothing malicious. Emotions are what keeps this game alive.” Ang duha ka mga kampo parehong naglaom nga mas moinit pa ang ilang panagparang hilabi na kon molanat pa og dugay ang series. Ang Warriors mosuway pagtiklop sa series ugma (RP time) sa Game 5 sulod sa ilang balwarte.