NAWONG GIPAAK NUNOT SA GATAS
Nagpabilin ang uwat sa tibuok nga kinabuhi sa usa ka babaye diin parte sa iyang nawong gipaak sa silingan atol ilang pag-away may kalabutan sa gatas.
Si Daniella Farrow, 37, molupyo sa Hull, nipaubos og operasyon human adunay pinaakan nga anaa sa iyang nawong.
Sa taho sa Mirror News, si Farrow naghisgot sa pangatake nga gihimo sa iyang silingan nga si Hazel Gill, 36, ug sa anak niini nga si Michael, 20, di gipanglikawas sa mga huwes sa Hull Crown Court sa iyang reklamo nga pagtuyo og samad kaniya.
Bisan nangangkon nga siyay mibuhat sa insidente niadtong Hulyo 4 sa milabayng tuig, si Gill nipadayag nga nidepensa lang siya sa iyang kaugalingon dihang siya maoy giatake og una, matod sa taho sa Hull Daily Mail.
Si Farrow mipaubos na og usa ka operasyon aron maayo ang kadaot sa iyang nawong ug padayon karon ang iyang facial reconstruction surgery.
“It is horrendous and I can see people looking at it. It is on my face so it is very visible. I feel like a freak now. I am disfigured for life. Every day I have to relive what happened,” saysay niya.
Si Farrow ug ang iyang 13 anyos nga batang babaye didto sa balay sa ilang silingan niadtong Hulyo 4 ug dihang nangayo siyag kape, ang iyang anak gisugo sa pagkuha og gatas ngadto sa laing silingan.
Misaysay siya sa korte nga si Gill migawas sa balay ug pwerting sukoa.
Sa paghusay sa kaso, si Gill namahayag nga wa na siya makaestorya ni Farrow kay ang pultahan sa ilang balay gisigihan og tuktok.
“If I could have done anything different that night I would have but was fighting for my life. All this about milk at half eleven on a school night on a Monday night. The right verdict has been given and justice been done. I am not guilty,” matod ni Gill.
Misaysay siya sa korte nga nibawos siya sa nangatake niya kay giparok iyang ulo hinungdan nga nawala iyang panimuot.
Nihimakak siya nga may dautan siyang gibuhat.
Matod ni Farrow nga wa siya mahibawo sa iyang samad hangtod nga iyang anak nagsugod og siyagit.
“I didn’t feel anything at first but my daughter screamed and shouted there was a hole in my face. When the police attended they called for an ambulance but I had to wait for two hours,” saysay niya.
Ang pulis nangita sa panit nga nakuha sa iyang nawong apan wa kini makit-i. /