For friend, for love
Mibawos sab kog wara-wara sa akong kamot kang Rowan. Gipahiyoman ko sab siya.Unya misenyas si Rowan nga mosulod na siya sa gipuy-an niyang boarding house. Dihang wala na si Rowan, mibiya ko sa terrace. mikanaog ko. Kon si Rowan mahiligon sa workout, ako sab mahiligon og jogging. Nagsul-ob na kog jogging
pants. Migawas ko sa gate sa gisak-an kong bording
house. Sa sinugdanan naglakaw lang ko ug sa nadugay na, nagsugod na kog jogging. Ang Fuente Osmena ang akong gidulong. Adto ko mag- jogging. Medyo duol ra kini gikan sa gipuy-an kong
boarding house sa Escario. “Magkuyog ta, Grace.” Nakalingi ko. Sus, puwerte nakong lipaya kay nagsunod diay si Rowan nako. Nagsulob sab siyag jogging pants.
“Karon pa ko kakita nimo nga nag- jogging, Rowan?”
Diha na sa akong tupad si Rowan. Nagpahiyomay mi.
“Kondi pa tungod nimo, wa ko makahunahuna sa pag- jogging.”
“Unsay kondi pa tungod nako? Ayaw pagbinuang dha, ha, Rowan? Mapatyan gyud ka ni Mam Gloria.” Mitukiki kog katawa.
“Tinuod bitaw, Grace. Gusto kong makigkuyog nimo sa pag- jogging. Bahin sab kang Gloria, friend lang mi. Di mi uyab. Para nako, lain ang pagbati para sa friend, ug lain sab ang feeling para sa gugma.”
“Wow! Parehas diay tag hunahuna, da, Rowan. Alangalang kon makigrelasyon kag
opposite sex kon ang imong gibati niya usa lang ka hinigala.”
Wa na motubag si Rowan. Nahiabot na mi sa Fuente. Bisag buntag na kaayo, daghan gihapon ang nag- jogging. Ang uban nag- walking lang labi na kadtong mga hamtong ug tiguwang na. “Anha sa ta diha, Grace.” Gitan-aw ko ang gitudlo ni Rowan. Usakini ka fast food. Nakahuman na mig jogging niadtong niadtong tungora.
“Wa ra ba ko kadag kuwarta?’ Wa ko mauwaw sa pagtugan sa tinuod. Tinuod man sab nga di ko magdad-anan og kuwarta kon mag- jogging ko.
“Don’t worry. Ako guy nangimbetar nimo. Nagtuo ko nga parehas ta, wa pa makapamahaw.”
Gingislitan ko si Rowan ug mitando ko. Unya, nagkuyog mig adto sa maong kan-anan sa atbang. Gikuptan ni Rowan ang usa ko kamot dihang nanglabang na mi sa dalan kay nagsauy-saoy man ang daghang mga sakyanan. Wa ko hatagig malisya ang iyang gibuhat.