Ang grabeng trapik sa Minglanilla
Ang national road sa Minglanilla padung sa Talisay City maoy sentro karon sa daghang negatibong komentaryo kung trapik ang hisgutan. Naputos sa mga pagsaway nga nag- question sa kapabilidad sa mga nagdumala sa maong lungsod ug nasudnong kagamhanan pagpa-arang arang sa bul-og sa trapiko nga nakaapekto og dako sa panginabuhi ug pag-eskwela sa mga motorista nga nagsalig sa maong karsada sa matag adlaw nga tanan.
Nanawag ko sa hepe sa kapulisan sa Minglanilla nga si Supt. Dexter Calacar aron magpakisayod labot sa maong problema. Iyang gitumbok ang nagpadayon nga
project sa DPWH sa may Linao-Lipata, Pakigne ug Calajoan nga nakatampo ug dako ning maong problema. Matod ni Calacar nga hinay kaayo ang pagtrabaho sa maong proyekto nga niresulta sa pagka pahak sa karsada ngadto sa usa ka lane tungod kay one
way halos di na kalihok ang mga sakyanan.
Matod ni Calacar, subsob ang pagpanakop sa drayber sa mga sakyanan nga iligal nga giparada sa national road. Ang nindot unta kung ang munisipyo pinaagi sa konseho mohatag ug towing truck kang Calacar pagpalig-on sa kampanya batok sa illigal parking.
Ang laing sugyot mao ang pag-apura sa contractor sa drainage project. Sama sa gihimo sa Tabunok flyover nga dali ra kaayong naablihan ngadto sa trapiko human nga gi-ayo, unta mao sab ni ang buhaton sa DPWH diha Minglanilla. Gikapoy na tawon ang mga motorista ug pasahero.
Pero ang lain nakong obserbasyon mao ni. Bisan mahuman ug dali ang proyekto diha di ni siya garantiya nga hingpit na nga masulbad ang kahuot sa trapiko. Bisan niadtong panahon nga wa pay nagkawot diha daan nang problemado ang trapiko tungod sa kagamay sa karsada unya daghan kaayong sakyanan ang naggamit.
Gawas sa Minglanilla susamang problema ang masinati sa sikbit nga mga lungsod ug dakbayan. Ang nakaparat kay iyahay ra sila ug sulbad. Asay maayo'g lingkoran sa mga nalambigit nga LGU sama sa Carcar City, San Fernando, Naga City, Minglanilla ug Talisay City aron maumol ang mga kasabutan pagsulbad sa problema. Bentaha sab kung iapil nila ang Cebu City sa maong grupo. Isip big btother, daghan ug matampo ang Cebu City nga mga ideya basi sa ilang kasinatian pagpa gaan sa problema.
Si Gob. Hilario Davide III angay nga manghilabot ning problimaha kay apektado ang imahen sa Sugbo tungod sa kadaghan sa mga bisita nga apil nga nagbagulbol. Towing truck para maguroy dayon ang sakyanan nga maaberya o malambigit ug disgrasya.
Nasa kama lang ako. Kayo lang nagsabi na-coma ako. Wrong spelling man 'yan. Kung na-coma ako, makatindig pa kaya ako? - Presidente Rodrigo Duterte, sa press conference sa Butuan City if the President has a medical condition preventing him from fulfilling his duties as commander in chief and is not simply ‘just resting'... the public deserves to know the truth. - Sen. Francis Pangilinan