7 TIPS NGA PABILING HIMSOG SA TING-UWAN

Aduna’y nindot nga dala ang panahon sa tinguwan, kining bugnaw nga panahon, mao kini ang rason nga mamahimo na nimong masul-ob imong

jacket ug ma- enjoy usab nimo ang imong kape o ang init nga sabaw.

Apan bisan paman sa mga dala niini nga maayo, ayaw padala kay aduna usab kini’y posibleng kadaot nga madala sa imong lawas ug sa katilingban.

Susama niining makamatay nga dengue o uban pang makamatay nga kagaw nga aktibo sa panahon nga aduna’y tubig.

Aniay simple nga mga pamaagi nga magpabilin ka nga healthy karon nga dili nato mahibaw-an ang panahon.

Uban niini gikan sa IndiaParenting.com:

1. Panghunaw sa imong kamot

Ang kagaw ug virus mas modaghan kini sa panahon nga ting-uwan tungod kay basa ug posible kini nimo nga makuha sa paglakaw lang sa dalan o ang paghikap sa

railing o bench. Kanunaya ang paghunaw sa imong kamot nga aduna’y sabon ug tubig.

2. Ayaw hikapa imong nawong

Sagad sa sakit nga trangkaso, ang kagaw mosulod kini sa mata, ilong ug baba.

Pugngi ang maglugod sa imong mata og pagpahid sa imong agtang kon sington ka. Pagdala og limpyo nga

tissue o panyo ug mao kini ang gamita.

3. Panalipdi imong kaugalingon sa hugaw nga tubig

Common na panahon sa ting-uwan kining pagbaha o nagbara nga kanal diin mao kini ang nag-una nga rason sa waterborne diseases susama sa diarrhea, influenza, cholera o fungal skin infections.

Ang pagsul-ob og sakto mao ang labing maayo nga pagprotekta niini. Gawas sa

jacket, mamahimo usab nga mo- invest og rain boots. Sa Pilipinas, sagad sa commuters mas mosul-ob og tsinelas aron dali mauga ang tiil niini ug magdala nalang og sapatos kon padulong og trabaho.

Apan hinumdumi nga mamahimo usab nga pagpa- bilin ang kagaw sa imong tiil, mas maayo nga mopalit og barato nga rain boots.

4. Likayi ang pagkaon og street food

Anaa raman permanente ang fish ball, kwek kwek ug

kikiam sa kadalanan, apan panahon sa ting-uwan bisan paman nga lami ikaon apan likayi kini. Ang pagkaon nga giluto sa abli nga lugar, duol kini sa airborne ug waterborne nga mga diseases ug kagaw.

Mass maayo nga mokaon og presko, o lutong bahay. Nganong di man ka magluto og fish balls sa balay?

5. Bugawa ang lamok

Mas modaghan ang lamok sa panahon sa tinguwan tungod sa nagpundo nga tubig nga mao’y itlogan niini.

Aron wala’y lamok sa inyong panimalay, limpyohi inyong balay. Tan-awa usab inyong flower vase ug uban pa nga aduna’y nagpundo nga tubig. Limpyohi kini o takubi.

6. Inom og herbal tea

Aduna’y makaayo nga dala ang herbal tea alang sa ubos, sip-on ug sore throat, ang common nga sakit sa karong panahon sa ting-uwan.

Aron mas kaayo pa kini sa imong lawas, mamahimo nimong apilan og cloves, luy-a,

pepper, basil o mint.

7. Himoa ang eucalyptus oil nga imong best friend

Ang aroma sa eucalyptus oil makatabang kini aron makaginhawa og tarong. Maka-relax usab kini sa tibuok lawas. Mamahimo kini nimong kuyog permi aron magamit nimo sa panahon nga magping-ot imong ilong.

Aduna’y daghang pamaagi sa pagsimhot sa aroma niini. Pwede kini nimong isagol sa tubig ug pabukalan nimo aron I- steam kini sa imong nawong.

Pwede usab nga tu-an nimo imong panyo ug dalhon nimo.