WARD MI-TKO NI KORVALEV SA 8TH
Nadepensaan ni American Andre Ward ang iyang tulo ka world titles pinaagi sa
8th round TKO nga kadaugan batok kang Russian brawler Sergey Kovalev kagahapon sa ilang light
heavyweight rematch sa Mandalay Bay Hotel and Casino sa Las Vegas, USA.
Mibarag si Kovalev dihang naigo sa makusog nga tuong kumo sa wala’y pildeng si Ward.
Gisundan kini ni Ward og sunodsunod nga body shots nga nakapaluhod kang Kovalev sa nahabiling 31 segundos sa 8th round. Giundang na sa
referee ang away human niini. “He’s a great fighter, not a lot of people are going to beat him,” paghulagway ni Ward
kang Kovalev.
“But when you are facing a great fighter you have to raise your game to the next level. I hurt him with a head shot and I just had to get the right shot in to finish him.”
Mireklamo si Kovalev nga low blows ang nakapaluhod kaniya apan dili kini mao ang nakita sa referee.
Si Ward misaka sa 32-16KOs nga rekord samtang si Kovalev nahagbong sa 30-2-1, 26KOs nga baraha.
Ning maong kalampusan, namatud-an ni Ward nga dili taphaw ang unanimous decision niyang kadaugan batok kang Kovalev sa premiro nilang away niadtong Nobiyembre. “I have never been the most talented, I have never been the biggest, I just keep knocking down giants one by one,” dugang ni Ward.
Nagkanayon si Kovalev nga gusto siya og dinalian nga rematch gumikan kay low blows ang nakapilde kaniya ning awaya. Gani matod niya nga makapadayon pa unta gihapon siya og away apan nahibulong siyang giundang na sa referee ang away. “It was a low blow, again another one,” batbat ni Kovalev. “We are boxers. I could still continue. Why stop the fight?”
Gikan sa pagsugod sa away, si Kovalev ang mas agresibo ug daw naghuwat lang si Ward og saktong higayon nga iya sab gyung nakit-an.