GINS OUT; TNT, SMB SA FINALS

I feel great, man. I mean, that’s why I came here -- to play the season and have a chance to get into the championship. I mean, right now its adrenalin and everything, I’ll probably be sore in a couple of hours, - Joshua Smith, 6-9, 330-pound nga import sa TNT.

Posibling adunay bag-ong

import ang TNT Ka Tropa sa umaabot nga best-of-seven

finals batok sa San Miguel Beer sa PBA Commissioner’s Cup nga sugdan karong Miyerkules.

Kini human nakaangkon og angol ang ilang higanting import nga si Joshua Smith sa ilang best-of-five semis series batok sa crowd-favorite Ginebra San Miguel.

Apan bisan pa man sa angol ni Smith nga iyang naangkon sa Game 3, ila gihapong napalagpot ang Barangay Ginebra human sa 122-109 nga kadaugan sa Game 4 nga nagtaklop sa serya, 3-1. Si Jason Castro maoy nahimong bangis sa opensa ug depensa sa Ka Tropa pinaagi sa iyang 38 puntos lakip na niini ang iyang napugnit sa krusyal nga mga minutos sa fourth quarter.

Kini maoy ika-17 nga pagtaak sa TNT sa finals diin ilang ikasangka ang nagpaabot nga San Miguel Beer nga mipukan usab sa sister team niini nga mao ang Star Hotshots sa laing semis series, 3-1.

Ania na karon sa nasod si Mike Myers nga posibling maoy ipuli sa 6-10 nga Smith kinsa mipadayag nga andam gihapon siyang moduwa sa

finals bisan pa man sa iyang gihambin nga angol sa iyang

tuo nga tiil.

Si Myers nga taga Candem, New Jersey, may gitas-on nga 6-8 ug niabot na kini niadtong Sabado sa buntag human gipatawag sa Texters.

“He was also in our list as import this conference, but we tapped Dontay (Green) and Joshua ahead of him,” matod sa team manager nga si Virgil Villavicencio. ‘We’re just fortunate na wala siyang pinaglalaruan when we contacted his agent on short notice.”

Si Smith nakaduwa pa sa Game 4 niadtong Sabado sa gabii diin nakapugnit kini og 18 puntos ug lima ka rebounds sa 21 minutos apan klaro nga nagping-it pa kini sa kasakit human maobserbahi nga nagtaki-ang kini nga magdagan. Hinuon gipasabot ni Villavicencio nga wa pa gyuy final decision nga nakab-ot ang management ug ang coaching staff kon si Smith ba gihapon ang gamiton og si Myers.

“Gusto niyang (Smith) maglaro at mukhang kaya naman,” matod sa usa ka opsiyal sa TnT. “We still have to meet. We’ll see.”

Aduna pay tulo ka adlaw si Smith nga makapahuway ug makapaalim sa iyang angol sa dili pa sugdan ang finals series sa Miyerkules.

/ Hulagway ni Paolo Papa sa PBA ■ BaYaNi. Si Jayson Castro (wala) sa TNT Ka Tropa kinsa giguwardiyahan niining aktoha ni LA Tenorio (tuo) sa Barangay Ginebra, ang wa kapugngi ug mipabutog 38 puntos sa Game 4 niadtong Biyernes aron pangulohan ang Katropa ngadto sa 122-109 nga kadaugan...