Nganong way kaso?

They (duha ka pulis nasikop sa drug raid) are part of the rogue police officers whom we are monitoring... - Chief Insp. Maria Theresa Macatangay, hepe sa Police Station 2 sa Cebu City Police Office. If they (police) insist on arresting my clients (suspek sa 'pagpatay' ni Buen Unido Mayor Gisela Boniel), we will be filing the necessary administrative cases. - Atty. Inocencio Dela Cerna Abogado ni Bohol Board Member Niño Rey Boniel Makiha og pamakak o perjury si Cabrera kon duna siyay gipirmahan nga dokumento nga gisumpaan unya iyang gisulti sukwahi...

Kiha. Angayan nga ikiha na dayon ni Konsehal Joel Garganera si kanhi konsehal Nida Cabrera, nga karon consultant sa environment sa dakbayan sa Sugbo, aron atong masuta kon namakak ba siya.

Si Konsehal Garganera makamao ug naay friends sa

media. Imbis nga iyang ikiha diretso si Cabrera sa Ombudsman o sa piskaliya, iyang giagi sa media aron dunay paukyab gamay sa isyu.

Matod ni Konsehal Garganera nga namakak si Cabrera sa iyang pamahayag nga ang

landfill application adto iduso sa opisina sa Department of Environment and Natural Resources (DENR) sa Manila.

Gihagit ni Garganera si Cabrera nga iyang ipakita ang giingon nga memorandum nga naglagda nga ang landfill

applications adto isumitir sa DENR Manila ug ang iyang certifico nga nakaatender siya og workshop sa Manila.

Gidaklitan usab ni Garganera ang ARN Builders, nga dunay landfill project sa Binaliw nga iyang giinitan sa miagi, nga nakigkonsabo si Cabrera aron mahatagan ang ARN Builders og ECC kon environmental compliance certificate gikan sa DENR.

Sukad kaniadto, di malalis nga si Konsehal Garganera way amor ni Cebu City Mayor Tomas Osmeña labina og maghisgot ta og pulitika. Bisag unsa nga butang basta naay tipik nga pagduda nga si Mayor Tomas dunay kalabutan di mahimutang si Panday.

Dunay mihunghong na ko nga nagduda si Panday nga kang Tomas ang landfill project diha sa Binaliw nga iya sa ARN Builders maoy abtik kaayo siya nga nakababag sa maong proyekto.

Balik ta sa kiha nga ipasaka ni Panday batok ni Cabrera. Bisag atong ingnon namakak si Cabrera sa iyang giingon nga adto sa Manila DENR ang

landfill application isumitir, di man na siya usa ka salaod. Makiha og pamakak o perjury si Cabrera kon duna siyay gipirmahan nga dokumento nga gisumpaan unya ang iyang gisulti sukwahi sa naa sa dokumento. Kon way dokumento, way kaso. Mao diay nga giagi na lang ni Panday sa

media ang iyang isyu batok ni Cabrera.