Tubig Queen nag-taping na sa Magpakailanman
Nag-taping na sa miaging semana ang
drama anthology nga “Magpakailanman” sa lifestory sa gitawag nga Tubig Queen sa Sugbo nga si Dodoy Teberio.
Matod ni Dodoy nga giinterbyu na siya sa TV host sa GMA-7 nga si Mel Tiangco kauban ang iyang mama Flor didto sa Manila.
“Wala pa man sila mosulti kanus-a i-air sa TV. Basin karong June 24 or sa July 1 kay kada-Sabado man na siya,” paambit ni Dodoy sa dihang ako ning nahinabi.
“Si Tekla ang nidala sa akong papel, kanang co-host sa Wowowin.”
Ako siyang gipangutana kon unsay buhaton niya sa kwarta nga gibayad sa Magpakailanman sa iyang lifestory, “siyempre, ibabank ko.”
Ako siyang gikomedyahan basin imo ra nang igasto sa imong laki ha?
“Wala man koy uyab uy,” tubag niya nga dalang katawa.
Pag-adto nila sa Manila didto kuno sila ni- check-in sa Red Planet Hotel sa Timog, Quezon
and all expenses paid sa Kapuso Network. Sa pagkakaron, ang iyang mama nibalik na og paninda sa naandan nilang puwesto sa
sidewalk duol sa SM City Cebu samtang si Dodoy padayon sa iyang pag- review alang sa licensure board exam niya sa pagka-maestro or maestra.
TRENDING
Gawas sa kontrobersyal nga
unli rice ni Cynthia Villar, usa sa gisumsuman sa social media kining isyu ni Jovit Baldivino.
Maora man gud siyag napattern na ba. Liman ka, nauyab ug nabuntis niya ang gwapang contestant sa kanhi singing
contest nga Star Power sa ABSCBN. Nagkaanak sad sila sa iyang girlfriend nga si Shara Chavez. Ug karon, duna na sad siya laing batan-ong babaye nga giingong maoy rason sa break-up nila ni Shara. Wa ra ba gyud siya mo- deny. Gigamit-gamit pa niya ang pangan sa Ginoo.
Na, kuyaw og wa na unyay mosuporta nimong fans, Jovit. Konserbatibo ra ba kaayo ang mga Pinoy.
BUKAS NA LANG…
Kahinumdom pa mo ni Jimmy Borja? Kanhi sikat siyang kompositor sa Sugbo nga tua na nagbase sa Nashville, USA.
Lakip sa iyang mga sikat nga komposisyon ang Bukas Na Lang Kita Mamahalin (Lani Misalucha), If The Feeling is Gone (Ella May Saison) ug Sana Ngayong Pasko (Ariel Rivera).
Nisaad siyang magpa-interbyu og taas-taas alang sa atong mga suki sa Ssssuper Ka!