SURPRISE DRUG TEST SA DEPED CEBU CTY
Gipaubos sa surprised drug test sa Cebu City Government pinaagi sa City Office for Substance Abuse Prevention ( Cosap) ang mga opisyal ug principal nga sakop sa Department of Education (DepEd) Cebu City. Si Garry Lao, executive director sa Cosap nagkanayon nga niabot og 139 ka principal, district supervisors, kinsa gipangulohan ni Supt. Bianito Dagatan ang na- drug test sa Cosap didto sa Montebello Hotel.
Ang drug test giatol dihang ang DepEd-Cebu City nipatawag og tigom sa mga pangulo sa lainlaing pampublikong tunghaan sa elementarya ug sekondarya.
Si Dagatan nihangop sa gihimo sa City Government sanglit sa maong paagi, sila isip mga opisyal sa DepEd ang magsilbing modelo ngadto sa ilang mga teaching ug
non-teaching personnel diin adunay 5,400 ka mga magtutudlo ang Cebu City Division.
Dugang sa pangulo sa DepEd nga isunod usab nila sa pagpa- drug test ang libuan niya ka mga sakop sanglit iyang giangkon nga nakadawat siya og mga report nga adunay mga magtutudlo nga nigamit og ginadiling drugas apan dili siya kumbinsido hangtod nga wala silay kongkreto nga ebedinsya.
Gipasabot ni Dagatan nga kon adunay mga principal o supervisor nga mapositibo sa drug test, ila kining ipaubos sa imbestigasyon ug mosubay sa hustong proseso diin ang labing bug-at nga silot mao ang pagtangtang sa trabaho.
Si Lao nibutyag nga masayran ang resulta sa maong drug
test karong semanaha ug dugang drug testing ang ilang ipahigayon.