NASAKMIT SA SIYUDAD SA SUGBO

Kapin sa P2 milyones nga shabu ang nasakmit sa mga awtoridad sa managlahing dapit sa dakbayan sa Sugbo.

Kagahapon sa 1:10 sa kaadlawon, ang kapulisan nihimo sa Oplan Double Barrel pinaagi sa paghimo og buy-bust operation sa Bayanihan Village, Barangay Quiot Pardo.

Nasikop si Joana Orongan, 20, taga Barangay Looc, dakbayan sa Lapu-lapu, lakip sa iyang kapuyo nga si Jerome Gonzales alyas 'Tulisan" kinsa dunay kaso kaniadto bahin sa pagpayuhot og gidiling druga.

Nasakmit gikan sa duha mao ang duha ka dakong pakete sa shabu ug ubang ginagmay nga pakete motimbang tanan og 90.32 grams ug gibabana ng amokantidad og P1,065,776 lakip sa cash nga P1000.

Nasikop usab sila si Jeffrey Radaza, 43, ug Jan Redulla, 25, pulos taga Bayanihan, Pardo.

Samtang, usa ka labandera nakuhaag kapin sa P1 milyones nga balor sa drugas niadtong Sabado sa alas 6:30 sa gabii sa Barangay Duljo

Si Gloria Dayonot, 54, minyo ug labandera nadakpan sa awtoridad nga gipangulohan ni Chief Isnp. Christopher Navida, Hepe sa City Intelligence Branch(CIB)sa Cebu City Police Office ug sa City Drugs Enforcement Units (CDEU). Si Navida, nahinabi sa Superbalita Cebu, nagkanayon nga si Dayonot usa sa mga

high value target (HVT) sa ilang listahan nga sakop ni Diango Diaz

Sumala pa niini nga pipila ka semana nilang gi- monitor si Dayonot, human sila nakadawat og impormasyon gikan sa ilang unang mga nadakpan nalambigit kini dinagkong transaksyon sa drugas.

Sumala niini nga dihang gisuhid sa ilang mga tawo ang lugar nag- roving ilang nakita ang suspek uban sa laing mga tawo ug kadudahan ang panglihok lakop sa gikuptan niini nga usa ka kolor blue nga gamay nga bag.

Sa pagsusi sa kapulisan, nakita ang usa ka dakong putos sa shabu ug laing unom ka bulto nga putos.

Si Navida niingon nga ang drugas nga ilang nakuha sa posisyon ni Dayonot, nitimbang sa 85 gramos nga mobalor sa P1 milyon kapin .

Si Navida nagkanayon nga si Dayonot nagpadagan kinig sari-sari store ug naglabandera aron pagtakuban sa iyang ilegal nga kalihukan.

Apan si Dayonot nga nahinabi ning mantalaan hugtanong nanghimakak sa pasangil.

Gipadayag niini nga usa lang siya ka ordinaryong labandera ug dili sab mosuyop og shabu.